# Kṛṣṇadāsa: Bhāvanāsārasaṃgraha 1-2

*Exported from [Holy-Writings.com](https://www.holy-writings.com/) on 2026-06-21 — 1 clipping.*

---

> Source: GRETIL (gretil.sub.uni-goettingen.de) — Sanskrit academic edition. Title: Kṛṣṇadāsa: Bhāvanāsārasaṃgraha 1-2. Data entry: (see source file). License: refer to source file header.
> ──────────────────────────────────────────────────────────────────────
> 
> This file is a plain text transformation of http://gretil.sub.uni-goettingen.de/gretil/corpustei/sa_kRSNadAsa-bhAvanAsArasaMgraha-1-2.xml
>   with a rudimentary header. For a more extensive header please refer to the source file.
> 
> ## Data entry: Hari Charan Das
> ## Contribution: Hari Charan Das
> ## Date of this version: 2020-07-31
> 
> ## Source:
>    - .
> 
> ## Publisher: Göttingen Register of Electronic Texts in Indian Languages (GRETIL), SUB Göttingen
> 
> ## Licence:
>    This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at gretil(at)sub(dot)uni-goettingen(dot)de. The file will be immediately removed pending resolution of the claim.
>    Distributed under a Creative Commons Attribution-NonCommercial-ShareAlike 4.0 International License.
> 
> ## Structure of references:
>    A reference is assembled consisting of
>    - a pragmatic abbreviation of the title: Bhāvanāsārasaṃgraha 1-2 = Bhss,
>    - the number of the  in arabic numerals,
>    - the number of the verse in arabic numerals.
> 
> ## Notes:
>    This file has been created by mass conversion of GRETIL's Sanskrit corpus from kbss_1-u.htm. Due to the heterogeneity of the sources the header markup might be suboptimal. For the sake of transparency the header of the legacy file is documented in the note element below:
> 
> 	 Krsnadasa:
> Bhavanasarasamgraha, Lila's 1 & 2
> Input by Hari Charan Das
> Śrī Śrī Bhāvanā-sāra-saṅgrahaḥ
> Niśānta-līlā and Prātar-līlā
> Compiled by Śrī Śrī Siddha Kṛṣṇadāsa Tātapāda
> 
> ## Revisions:
>    - 2020-07-31: TEI encoding by mass conversion of GRETIL's Sanskrit corpus
> 
> # Text
> 
> ajñāna-timirāndhasya
> jñānāñjana-śalākayā
> cakṣur unmīlitaṃ yena
> tasmai śrī-gurave namaḥ Bhss_1.1
> 
> siṃha-skandhaṃ madhura-madhura-smera-gaṇḍa-sthalāntaṃ
> durvijñeyojjvala-rasa-mayāścarya-nānā-vikāram
> vibhrat kāntiṃ vikaca-kanakāmbhoja-garbhābhirāmām
> ekībhūtam vapur avatu vo rādhayā mādhavasya Bhss_1.2
> 
> śoṇa-snigdhāṅguli-dala-kulaṃ jāta-rāgaṃ parāgaiḥ
> śrī-rādhāyāḥ stana-mukulayoḥ kuṅkuma-kṣoda-rūpaiḥ
> bhakta-śraddhā-madhu-nakha-mahaḥ-puñja-kiñjalka-jālaṃ
> jaṅghānālaṃ caraṇa-kamalaṃ pātu naḥ pūtanāreḥ Bhss_1.3
> 
> bhakti-rasāmṛta-sindhau
> carataḥ paribhūta-kāla-jāla-bhiyaḥ
> bhakta-makarān aśīlita-
> mukti-nadīkān namasyāmi Bhss_1.4
> 
> śrī gauracandra
> 
> prage śrīvāsasya dvija-kula-ravair niṣku avare
> śruti-dhvāna-prakhyaiḥ sapadi gata-nidraṃ pulakitam
> hareḥ pārśve rādhā-sthitim anubhavantaṃ nayana-jair
> jalaiḥ saṃsiktāṅgaṃ vara-kanaka-gauram bhaja manaḥ Bhss_1.5
> 
> mūla-sūtra
> 
> rātryante trasta-vṛnderita-bahu-viravair bodhitau kīra-śārī-
> padyair hṛdyair ahṛdyair api sukha-śayanād utthitau tau sakhībhiḥ
> dṛṣṭau hṛṣṭau tadātvodita-rati-lalitau kakkha ī-gīḥ saśaṅkau
> rādhā-kṛṣṇau satṛṣṇāv api nija-nija-dhāmny āpta-talpau smarāmi Bhss_1.6
> 
> pratisva-sevāvasara-prabodhitā-
> sadātanābhyāsa-juṣo 'tha kiṅkarīḥ
> nidraiva rātry antam avetya tā jahau
> saiva svayaṃ jāgarayāñ cakāra kim? Bhss_1.7
> 
> utthāya talpāc cakitekṣaṇāḥ kṣaṇān
> duhānayor nāgara-cakravartinoḥ
> svāpaṃ rahaḥ-svāpam abhaṅgam aṅganā
> ālakṣya tūṣṇīm adhiśayam āsata Bhss_1.8
> 
> papracchur anyonyam imā mimānayā
> rasaṃ parīhāsa-bhṛtaṃ sajṛmbhayā
> girā cirāj jāgara-mūḍha-ghūrṇana-
> sva-svākṣi-bhṛṅgī-tati-līḍha-vakṣasaḥ Bhss_1.9
> 
> niśānta-sevocita-mālya-vīṭikā-
> kṛtyātta-cittā atha kācid āha tāḥ
> anaṅga-baddhāṅga-yuva-dvayocchalat-
> saurabhya-saulabhyavatī rasoccalā Bhss_1.10
> 
> jānīta jālādhva-gatāsya-padmāḥ
> sadmāntarālyaḥ sva-dṛśaḥ prahitya
> kāntau nitāntātanu-lāsya-cuñcu
> dhinoti suptiḥ parirabhya kīdṛk? Bhss_1.11
> 
> itas tato nyasta-maṇi-pradīpān-
> aphulla-nīlotpala-campakābhān
> vidhatta etau sva-mayūkha-vṛndair
> anāvṛtair maṇḍana-mālya-celaiḥ Bhss_1.12
> 
> sa kṛṣṇa-meghaḥ sthira-cañcalālī-
> vṛto 'timādhurya-rasair amūḥ kim?
> āsnāpayat svārhaṇa-kṛtya-vṛttāḥ
> pratyarhaṇenādita eva dhinvan Bhss_1.13
> 
> tāmbūla-mālā-vividhānulepair
> aṅgāra-dhānyāguruvaiś ca dhūpaiḥ
> kālocitais taiḥ pratipādyamānaiḥ
> kati-kṣaṇāṃs tā gamayāṃ babhūvuḥ Bhss_1.14
> 
> prabhañjano rañjayituṃ nikuñja-
> rājau vyarājiṣṭa mudā tadānīm
> manye prabudhya ślatha-durbalāṅgo
> drutaṃ prayātuṃ na-tarāṃ śaśāka Bhss_1.15
> 
> yā vṛkṣa-vallyo vyakasaṃs tadaiva tāś
> cumbaṃs tadāmoda-bharair diśo daśa
> prasāritaiḥ śvāsapatha-praveśitair
> bhṛṅgāvalīr jāgarayāñ cakāra saḥ Bhss_1.16
> 
> tad-guñjitai rañjita-susvarair bhṛśaṃ
> prabudhya vṛndā'tha vilokya sarvataḥ
> svanāthayor jāgaraṇe patatriṇo
> nyayuṅkta kāla-jñatayā rayād iyam Bhss_1.17
> 
> āsan yad-arthaṃ prathamaṃ dvijendrāḥ
> sevā-samutkaṇṭha-dhiyo 'pi mūkāḥ
> vṛndā-nideśaṃ tam avāpya harṣāt
> krīḍā-nikuñjaṃ paritaś cukūjuḥ Bhss_1.18
> 
> athāli-vṛndaṃ makaranda-lubdhaṃ
> ratīśitur maṅgala-kambu-tulyam
> praphulla-vallī-caya-mañju-kuñje
> juguñja talpī-kṛta-kañja-puñje Bhss_1.19
> 
> jhaṅkṛtim aṅgī-kurute
> rati-maṅgala-jhallarīva govindam
> bodhayituṃ madhu-mattā
> madhupī-tatir udbha ānandā Bhss_1.20
> 
> pika-śreṇī manojasya
> vīṇeva vyakta-pañcamam
> ālalāpa svaraṃ tāraṃ
> kuhūr iti muhur muhuḥ Bhss_1.21
> 
> rati-madhura-vipañcī-nāda-bhaṅgīṃ dadhānā
> madana-mada-vikūjat-kānta-pārśve niṣaṇṇā
> mṛdula-mukula-jālāsvāda-vispaṣṭa-kaṇṭhī
> kalayati sahakāre kākalīṃ kokilālī Bhss_1.22
> 
> vidrāvya gopī-dhṛti-dharmacaryā-
> lajjā-mṛgīr māna-vṛkeṣv amarṣī
> kapota-ghūtkāra-miṣeṇa śaṅke
> garjaty ayaṃ kāma-tarakṣu-rājaḥ Bhss_1.23
> 
> rādhā-dhairya-dharādharoddhṛti-vidhau ke'nye samarthā vinā
> kṛṣṇaṃ kṛṣṇa-sumatta-kuñjara-vaśīkāre'py alaṃ śṛṅkhalāḥ
> anyāḥ kā vṛṣabhānu-jām iha vinā dhanyām atīvādṛtāḥ
> kekāḥ kiṃ samudīrayanti śikhinas tau bodhayantaḥ prage Bhss_1.24
> 
> hrasva-dīrgha-plutair yuktaṃ
> ku-kūkū-kū iti svaram
> kukkuṭo 'py apa hat prātar
> vedābhyāsī baṭur yathā Bhss_1.25
> 
> atha pakṣiṇāṃ kalakalaiḥ prabodhitāv
> api tau mitho 'vidita-jāgarau tadā
> nibiḍopagūhaṇa-vibhaṅga-kātarau
> kapa ena mīlita-dṛśāvatiṣṭhatām Bhss_1.26
> 
> vṛndeṅgita-jñaḥ sa vicakṣaṇaḥ śukaḥ
> śuko yathā bhāgavatārtha-kovidaḥ
> dakṣaḥ prabodhe jagatāṃ prabhor ati-
> premāspadatvānupamaḥ samabhyadhāt Bhss_1.27
> 
> jaya smarāśeṣa-vilāsa-vaiduṣī-
> niṣṇāta-gopījana-locanāmṛta!
> prāṇa-priyā-prema-dhunī-mataṅgaja!
> sva-mādhurī-plāvita-loka-saṃhate Bhss_1.28
> 
> priyādharāsvāda-sukhe nimajjasi
> prabudhyase nety ucitaṃ rasāmbudhe!
> riraṃsutāyāṃ viriraṃsur eva te
> kiñcādhuneyaṃ kṣaṇadā kṣaṇaṃ dyati Bhss_1.29
> 
> jahīhi nidrāṃ ślathayopagūhanaṃ
> vrajaṃ pratiṣṭhāsuraraṃ prabho! bhava
> prātar babhūvānusara sva-cāturīṃ
> pracchanna-kāmatvam athorarī-kuru Bhss_1.30
> 
> jaya vrajānandana! nanda-cetaḥ-
> payodhi-pīyūṣa-mayūkha! deva!
> goṣṭheśvarī-puṇya-latā-prasūna!
> prayāhi gehāya dhinu sva-bandhūn Bhss_1.31
> 
> gokula-bandho! jaya rasa-sindho!
> jāgṛhi talpaṃ tyaja śaśi-kalpam
> prīty-anukūlāṃ śrita-bhuja-mūlāṃ
> bodhaya kāntāṃ rati-bhara-tāntām Bhss_1.32
> 
> udayaṃ prajavādayam ety aruṇas
> taruṇī-nicaye sahajākaruṇaḥ
> nibhṛtaṃ nilayaṃ vrajanātha! tatas
> tvarito ' a kalinda-sutā-ta ataḥ Bhss_1.33
> 
> śārī śubhā sā'tha jagāda sūkṣma-dhīḥ
> śārī yathā devana-sammata-sthitiḥ
> jayeśvari! svīya-vilāsa-saubhaga-
> śrī-tarṣita-śrī-mukha-mukhya-yauvate Bhss_1.34
> 
> kamala-mukhi! vilāsāyāsa-gāḍhālasāṅgī
> svapiṣi sakhi! niśānte yat tavāyaṃ na doṣaḥ
> dig iyam aruṇitaindrī kintu paśyāvir āsīt
> tava sukham asahiṣṇuḥ sādhvi! candrā-sakhīva Bhss_1.35
> 
> śeṣe'dhunā yad-rati-vallabhāsya-
> rājīva-rājan madhu-pāna-mattā
> asāmprataṃ tat khalu sāmprataṃ te
> prātas tato jāgarayāmy ahaṃ tvām Bhss_1.36
> 
> kṛṣṇo 'py anidraḥ priyayopagūḍhaḥ
> kāntā'py anidrā'py amunopagūḍhā
> talpāt prabhātākulam apy analpān
> notthātum etan mithunaṃ śaśāka Bhss_1.37
> 
> kṛṣṇasya jānūpari-yantrita-san-nitambā
> vakṣaḥ-sthale dhṛta-kucā vadane'rpitāsyā
> kaṇṭhe niveśita-bhujā'sya bhujopadhānā
> kāntā na hīṅgati manāg api labdha-bodhā Bhss_1.38
> 
> śrī-kṛṣṇa-līlā-racanāsu dakṣas
> tat-prema-jānanda-viphulla-pakṣaḥ
> dakṣākhya āha śrita-kuñja-kakṣaḥ
> śukaḥ samadhyāpita-kīra-lakṣaḥ Bhss_1.39
> 
> ekaṃ prācyām aruṇa-kiraṇāpā alāyāṃ vidhatte
> cakṣuḥ kānte tvaritam aparaṃ dūrage cakravākī
> śaṅkākrāntās taru-kuhara-gā mūkatāṃ yānti ghūkāḥ
> śaṅke bhāsvān udayam udagāt kṛṣṇa! nidrāṃ jahīhi Bhss_1.40
> 
> jaya jaya guṇa-sindho! preyasī-prāṇa-bandho!
> vraja-sarasi-ja-bhāno! sat-kalā-ratna-sāno!
> iha hi rajanī-śeṣe kiṃ manā nātha! śeṣe
> samayam avakalayāpīṣyate kuñja-sayyā? Bhss_1.41
> 
> ayam api ca śikhaṇḍī jāgaritvaiva khaṇḍī
> kṛta-sulalita-kekaḥ kāla-niṣṭhā-vivekaḥ
> pramilati tava nidrā-hānaye'dhī-daridrāḥ
> śiva śiva nija-sevā-kālam ujjhanti ke vā? Bhss_1.42
> 
> vṛndā-vaktrād adhigata-vidyā
> sārī hārī-kṛta-bahu-padyā
> rādhā-snehoccaya-madhu-mattā
> tasyā nidrāpanayana-yattā Bhss_1.43
> 
> nidrāṃ jahīhi vijahīhi nikuñja-śayyāṃ
> vāsaṃ prayāhi sakhi! nālasatāṃ prayāhi
> kāntaṃ ca bodhaya na bodhaya loka-lajjāṃ
> kālocitāṃ hi kṛtinaḥ kṛtim unnayanti Bhss_1.44
> 
> vraja-pati-tanayāṅkāsaṅgato vīta-śaṅkā
> vidhu-mukhi! kim-u śeṣe nirbharaṃ rātri-śeṣe?
> pramada-madhupa-puñje mā paraṃ tiṣṭha kuñje
> na gaṇayasi vigarhāṃ kiṃ guruṇām anarhām? Bhss_1.45
> 
> sudati! kumudinīnām aṅkam āsādya līnā
> mada-madhukara-mālā kālam āsādya lolā
> sarati kamalinīnāṃ rājim etām adīnāṃ
> bhavati samaya eva glāni-harṣādidevaḥ Bhss_1.46
> 
> viyad-atilaghu-tāraṃ tvad-vapuḥ kṣuṇṇa-hāraṃ
> vigalita-kusumānāṃ varṣma śephālikānām
> tritayam idam idānīm eka-rūpaṃ tadānīm
> api yad api tathāpi tvad-vapuḥ śrībhir āpi Bhss_1.47
> 
> tru ita-patita-muktā-hāravat te viyuktā
> bhavad uḍu-tatir eṣā svalpa-mātrāvaśeṣā
> cira-śayanam avekṣyārundhatī te vilakṣyā
> bhavad iva parivakre paśya saptarṣi-cakre Bhss_1.48
> 
> iti kala-vacanānāṃ śārikāṇāṃ śukānāṃ
> rutam atiśaya-ramyaṃ śrotra-peyaṃ niśamya
> vihita-śayana-bādhā sā jajāgāra rādhā
> prathamam atha sa kṛṣṇaḥ svāpa-līlā-vitṛṣṇaḥ Bhss_1.49
> 
> yugapad ubhaya-nidrā-bhaṅga-vidhvasta-mudrā
> yugapad ubhaya-netrāpāṅga-bhaṅgī vicitrā
> yugapad ubhaya-ghūrṇā-jāta-saṃkleśa-pūrṇā
> bhavad ubhaya-vilokābhāvataḥ prāpta-śokā Bhss_1.50
> 
> kala-kvaṇat-kaṅkaṅa-nūpuraṃ jabād
> atyucchalad-gātra-yuga-cchavi-cchaṭām
> vyastālakāgrāvali-veṣṭanonnamat-
> tā aṅka-hāra-dyuti-dīpitānanam Bhss_1.51
> 
> srastāṃśukānveṣaṇa-saṃbhramodayād
> itas-tato nyasta-karābja-mañjulam
> śayyotthitaṃ keli-vilāsinos tayos
> trailokya-lakṣmīm iva sañcikāya tam Bhss_1.52
> 
> ghūrṇālasākṣaṃ ślatha-sarva-gātraṃ
> viśrasta-keśaṃ rasika-dvayaṃ tat
> bhugnopaveśaṃ skhalane kathaṃ cid
> anyonyam ālambanatāṃ prapede Bhss_1.53
> 
> anyonya-grathitāṅgulī-kisalayām unnīya bāhu-dvayīṃ
> jṛmbhārambha-puraḥsaraṃ vidadhatī gātrasya saṃmo anam
> mīlan-netram urojayor nakha-pada-vyādāna-dīnānanā
> nā-nā-neti punar nakha-kṣata-dhiyā sā kṛṣṇa-pāṇī dadhe Bhss_1.54
> 
> saṅgopāya pa āñcalena tanunā niḥsāri-dantāvalī-
> jyotsnābhiḥ snapitena dakṣiṇa-karākṛṣṭena vaktrāmbujam
> līlollāsita-kandharaṃ mṛdu-kalair vāmāṅguli-ccho ikā-
> niḥsvānaiś cala-kaṅkaṇa-svana-sakhaiḥ śrī-rādhikā'jṛmbhata Bhss_1.55
> 
> alasa-valitam ūrdhvī-kṛtya mūrdhopakaṇṭhe
> valayitam idam anyonyena saṃsakta-pāṇi
> trika-vicalana-bhaṅgi-saṅgi mo āyitāyāḥ
> paridhir iva mukhendor bhāti dordvandvam asyāḥ Bhss_1.56
> 
> utthāyeśaḥ sanniviṣṭo 'tha talpe
> vyājān nidrā-śālinīṃ mīlitākṣīm
> dorbhyāṃ kāntāṃ svāṅkam ānīya tāntāṃ
> paśyaty asyā mādhurīṃ sādhurīti Bhss_1.57
> 
> ghūrṇāyamānekṣaṇa-khañjarī aṃ
> lalā a-lolālaka-bhṛṅga-jālam
> mukhaṃ prabhātābja-nibhaṃ priyāyāḥ
> papau dṛśeṣat-smitam acyuto 'sau Bhss_1.58
> 
> saṃśliṣṭa-sarvāṅguli-bāhu-yugmam
> unmathya dehaṃ parimo ayantīm
> udbuddha-jṛmbhā-sphuṭa-danta-kāntim
> ālokya kāntāṃ mumude mukundaḥ Bhss_1.59
> 
> tadaiva jṛmbhottha-radāṃśu-jāla-
> māṇikya-dīpair nirarājayat kim
> sa-nidram unmudra-dṛganta-lakṣmī-
> rasa-jñayānyonya-vilihyamānam Bhss_1.60
> 
> svīyāṅkottāna-suptām uṣasi mṛdu mṛṣā rodaneṣat-smitāsyām
> ardhonmuktāgra-keśāṃ vimṛdita-kusuma-srag-dharāṃ chinna-hārām
> unmīlyonmīlya ghūrṇālasa-nayana-yugaṃ svānanālokanotkāṃ
> kāntāṃ tāṃ keli-tāntāṃ mudam atulatamām āpa paśyan vrajenduḥ Bhss_1.61
> 
> hemābjāṅgyāḥ prabala-suratāyāsa-jātālasāyāḥ
> kāntasyāṅke nihata-vapuṣaḥ snigdha-tāpiñcha-kānteḥ
> śampākampā nava-jala-dhare sthāsnutāṃ ced adhāsyat
> śrī-rādhāyāḥ sphuṭam iha tadā sāmya-kakṣām avāpsyat Bhss_1.62
> 
> sphuran makara-kuṇḍalaṃ madhura-manda-hāsodayaṃ
> madālasa-vilocanaṃ kamala-gandhi lolālakam
> mukhaṃ sva-daśana-kṣatāñjana-malīmasauṣṭhaṃ hareḥ
> samīkṣya kamalekṣaṇā punar abhūd vilāsotsukā Bhss_1.63
> 
> parasparālokana-jāta-lajjā-
> nivṛtta-cañcad-dara-kuñcitākṣam
> īṣat-smitaṃ vīkṣya mukhaṃ priyāyā
> uddīpta-tṛṣṇaḥ punar āsa kṛṣṇaḥ Bhss_1.64
> 
> vāmena cādhaḥ śira unnamayya
> kareṇa tasyāś cibukaṃ pareṇa
> vibhugna-kaṇṭhaḥ smita-śobhi-gaṇḍaṃ
> mukhaṃ priyāyāḥ sa muhuś cucumba Bhss_1.65
> 
> kāntādhara-sparśa-sukhābdhi-magnā
> karaṃ dhunānā dara-kuñcitākṣī
> mā meti mandākṣara-sanna-kaṇṭhī
> sakhī-dṛśāṃ sā mudam ātatāna Bhss_1.66
> 
> rūpāmṛtaṃ me tri-jagad-vilakṣaṇaṃ
> niḥsīma-mādhuryam idaṃ ca yauvanam
> adyaiva sāphalyam avāpa sarvathā
> preyānupābhuṅktatamāṃ mudā yataḥ Bhss_1.67
> 
> saivaṃ vicintya kṣaṇam āha kāntaṃ
> tad-akṣi-pītākhila-mādhurīkā
> svāntar mudātyartha-lasad-dṛganta-
> lakṣmī-vihārāyatanāsya-padmam Bhss_1.68
> 
> bho bho vilāsinn avadhehi yat tvayā
> visrasta-veśābharaṇāsmy ahaṃ kṛtā
> yāvan mad-ālyo 'nusaranti noṣasi
> drutaṃ samādhitsasi tan na kiṃ punaḥ Bhss_1.69
> 
> sva-cāturīṃ sādhaya māṃ prasādhaya
> prasādayānaṅgam abhīṣṭa-daivatam
> yo 'sman mano-mandira-varty ayaṃ tvayā
> bahiṣ-kṛto lakṣmabhir ebhir eva yat Bhss_1.70
> 
> satyaṃ bravīṣy aṅga-jam iṣṭa-devaṃ
> tvad-aṅga-pīṭhe prakaṭī-bhavantam
> yajāmi bhūṣāmbara-gandha-puṣpaṃ
> srak-candanādyair iti tāṃ sa ūce Bhss_1.71
> 
> ittham īśvaryā vākyaṃ hi
> śrutvā sevana-peśalā
> tad-upayogi-vastūni
> samarpayitum utsukā Bhss_1.72
> 
> dvāraṃ samunmucya manāg anāravaṃ
> śanaiḥ pada-nyāsa-viśeṣa-mañjulā
> nirṇīta taj-jāgaraṇātha kiṅkarī-
> tatir viśaṅkā praviveśa veśma sā Bhss_1.73
> 
> itas tato nyasta-maṇi-pradīpān
> aphulla-nīlotpala-campakābhān
> vidhatta etau sva-mayūkha-vṛndair
> anāvṛtair maṇḍana-mālya-celaiḥ Bhss_1.74
> 
> mitho daśana-vikṣatādhara-pu au vilāsālasau
> nakhāṅkita-kalevarau galita-patra-lekhāśriyau
> ślathāmbara-sukuntalau tru ita-hāra-puṣpa-srajau
> muhur mumudire puraḥ samabhilakṣya tāḥ sva-priyau Bhss_1.75
> 
> athāmunā kaṅkatikāṃ śanaiḥ śanair
> vikarṣatā bhānumatī-karārpitām
> kacāvalī saṃstriyate sma mālatī-
> mālota-veṇī-racanā-paṭīyasā Bhss_1.76
> 
> kastūrikā-candana-kuṅkuma-dravaiḥ
> sambhāvitais tām anurāgalekhayā
> cakāra mālāñcita-cāru-citrakāṃ
> sa citra-cuñcur dhṛta-navya-vartikaḥ Bhss_1.77
> 
> tā aṅka-yugmena lavaṅga-mañjarī-
> sampāditāpūrva-rucā sa cāruṇī
> ānarca tasyāḥ śravaṇe navāñjane-
> nānañja-kañja-pratim etad akṣinī Bhss_1.78
> 
> dadhāra hāraṃ ruci-mañjarīlitaṃ
> yadā tadoce priyayā madoddhuram
> yā khaṇḍitā candana-kañculī tvayā
> vakṣojayos tāṃ na kutaś cikīrṣasi? Bhss_1.79
> 
> ālekhya-karmaṇy atigarva-dhāriṇīs
> tās tā viśākhā-prabhṛtīr bhavat sakhīḥ
> vismāpayāmy adya kuca-dvaye kṛtaiś
> citrair vicitrair iti tāṃ jagāda saḥ Bhss_1.80
> 
> prasādhanārtha-pratipādanonmukha-
> śrī-rūpa-līlā-rati-mañjarī-mukhaḥ
> stana-dvayaṃ tulikayāṅkayan hari
> pañceṣu-pañceṣu-śaravyatām agāt Bhss_1.81
> 
> pāṇiś ca kampe yadi vakra-rekhaṃ
> citraṃ vilumpann urasā muhuḥ saḥ
> manye smarāgniṃ dhamati sma tasyā
> dhṛtīndhanaṃ dagdhu-manā vidagdhaḥ Bhss_1.82
> 
> kāmas tam avakalpam analpa-vaibhavaiḥ
> sadyo vidhāyāniyata-sthala-sthitam
> vimṛjya saṃsṛjya vikhaṇḍya khaṇḍaśas
> tenaiva sollāsam ubhāv abhūṣayat Bhss_1.83
> 
> dāsyaś ca tāḥ phulla-dṛśāṃ kṛtārthatāṃ
> mūrtāṃ cirāyābhilaṣantya eva tām
> punā riraṃsū samavetya tau tato
> miṣeṇa sarvā niragūhi kenacit Bhss_1.84
> 
> punar api ghana-ghūrṇa śrī-mukha-dvandva-yogād
> acaṭula-bhujavallī-veṣṭaneneṣṭabhāsau
> kṣaṇam api dara-suptyā śaṃ bhajāvetya tas tāv
> anṛju-kusuma-talpe srasta-gātrāv abhūtām Bhss_1.85
> 
> viraha-vikalayā tac chayyayā dūnayā kiṃ
> katham api dara-labdhāśleṣayā nidrayā vā
> uṣasi na ca vihātuṃ hanta śaktau khagās tau
> tad api vidadhurābhyāṃ vipra-yuktau svanantaḥ Bhss_1.86
> 
> agaṇita-kula-niṣṭhā mā nikuñje śayiṣṭhāḥ
> parihara surata-ghnaṃ svāpam udgaccha śīghram
> samajani saviśeṣaḥ paśya doṣāvaśeṣaḥ
> kuru na gata-samādhāṃ bandhu-vargasya bādhām Bhss_1.87
> 
> iyam ajani digaindrī dṛśyatāṃ devi! sāndrī-
> bhavad aruṇima-dhārā tvat-pādābjānukārā
> iyam api ca varākī satvarā cakravākī
> parimilita rathāṅge jāta-viccheda-bhaṅge Bhss_1.88
> 
> api tava mukha-śobhām āptu-kāmo 'tilobhād
> aparikalita-kāmaḥ svaṃ vapus tyaktu-kāmaḥ
> carama-śikhari-śṛṅgaṃ prāpya paśyaiva tuṅgaṃ
> vrajati śaśadharo 'staṃ vārayed adya kas tam Bhss_1.89
> 
> sumukhi! nayana-mudrāṃ muñca nirdhūya nidrāṃ
> kalaya vadana-māsāṃ vidyud uddyota-bhāsām
> rati-vigalita-bhūṣāṃ vyasta-paryasta-veṣāṃ
> vilulita-tanum etās tvāṃ bhajantāṃ sametāḥ Bhss_1.90
> 
> nija-kara-paripuṣṭā paśya seyaṃ praviṣṭā
> śaśi-mukhi! lalitāṅgī sannidhau te kuraṅgī
> kuru sa-kṛpam apāṅge kiñcid añcat-taraṅge
> bhavatu bata kṛtārthā prītaye te samarthā Bhss_1.91
> 
> nava-kiśalaya-buddhyā jātito 'ntar viśuddhyā-
> ruṇa-pada-kamalaṃ te svādituṃ kṛṣṇa-kānte!
> tvaritam upasarantī tvat-sakhīnāṃ vahantī
> kara-sarasija-ghātaṃ yā vidhatte prayātam Bhss_1.92
> 
> śaśi-mukhi! tava phelā-mātra-bhoge sakhelā
> tava pada-jala-pānāmoda-mātrāvadhānā
> api bhavad avalokābhāva-sañjāta-śokā
> tava mukha-śaśi-bimbāloka-mātrāvalambā Bhss_1.93
> 
> harir atikutukī te netra-yugmaṃ mimīte
> nayana-yugam amāya-prema yasyāḥ pramāya
> kim api vimala-muktā-mālayā cāru-vaktā
> niyatam upamimānaḥ saṃśayaṃ nirdhunānaḥ Bhss_1.94
> 
> iti nigaditavatyaḥ śārikāḥ premavatyaḥ
> sukhada-pada-padārthāṃ vācam utthāpanārthām
> yadi kim api viremuḥ patriṇas taṃ praṇemuḥ
> samupasṛta-nikuñjāḥ prāpta-sammoda-puñjāḥ Bhss_1.95
> 
> atha śayana-satṛṣṇaṃ bodhayāmāsa kṛṣṇaṃ
> vitatir api śukānāṃ kṛṣṇa-harṣotsukānām
> śravaṇa-sukhada-saumyaiḥ snigdha-śabdārtha-ramyaiḥ
> sarasataram analpaiḥ kūjitaiḥ sīdhu-kalpaiḥ Bhss_1.96
> 
> praṇaya-rasa-gabhīrāś cāru-śabdārtha-dhīrāḥ
> kala-sumadhura-kaṇṭhāḥ prema-jalpeṣv akuṇṭhāḥ
> sati samaya-viveke bodhayāṃ cakrur eke
> na khalu bata vidagdhāḥ kārya-kāle vimugdhāḥ Bhss_1.97
> 
> subhaga! rajani-śeṣe svāpa-gehe suśeṣe
> tvam iti hi jananī te saṃśayaṃ svaṃ dhunīte
> samayam atha viditvā jāgarārthaṃ tvaritvā
> svayam iyam upagantrī sneha evātra mantrī Bhss_1.98
> 
> tvam asi samaya-vettā sarva-duḥkhaika-bhettā
> bhavasi bhuvana-bandhuḥ sad-guṇa-grāma-sindhuḥ
> vratati-bhavana-talpaṃ mūrtiman-moda-kalpaṃ
> yad api tad api muñca svasti te'smād udañca Bhss_1.99
> 
> mada-madhupa-yuvānaḥ prāpta-doṣāvasānaḥ
> cyuta-kusuma-vanāntaḥ svāpam udyātavantaḥ
> dadhati katipayathyāṃ kelim ambhoja-vīthyāṃ
> sati samaya-viveke ke vimuhyanti loke? Bhss_1.100
> 
> kvacana mukha-viṣādaḥ kvāpi hāsa-prasādaḥ
> kva ca dayita-viyogaḥ kvāpi kāntasya yogaḥ
> kumuda-kamala-vīthyor vaisadṛśye'titathye
> bhavati kim-u na kālaḥ kṣobha-śobhā-viśālaḥ Bhss_1.101
> 
> jaya subhaga! namas te śrūyatāṃ satvaras te
> cira-śayana-sapīḍaḥ kauty ayaṃ tāmra-cūḍaḥ
> upanata-nija-sevā-kāla-sammoda-pīvā
> nahi samaya-vidagdhaḥ kārya-kāle vimugdhaḥ Bhss_1.102
> 
> atha prabudhyaiva vidhūya pakṣān
> grīvāḥ samunnīya cukūjur uccaiḥ
> yat kukkuṭāḥ pañca-ṣa-vāram ādau
> rādhā jajāgāra tadāpta-bādhā Bhss_1.103
> 
> kṛṣṇāṇga-saṃśleṣa-viśeṣa-vādhinas
> tān eva matveti śaśāpa sā ruṣā
> are! paretāśu pareta-rā puraṃ
> tatraiva kiṃ kūjata no padāyudhāḥ? Bhss_1.104
> 
> viśliṣya kiñcit priya-vakṣasaḥ sā
> tūṣṇīṃ sthitāṃs tān upalabhya sadyaḥ
> saṃśliṣya kāntaṃ dara-nidrayaiva
> niṣevyamāṇā punar apy arājīt Bhss_1.105
> 
> jālād atho dṛk-sapharī tad-ālayo
> lāvaṇya-vanyā bhṛśam anvaśīlayan
> krīṇanti yāḥ prāṇa-parārddha-koṭibhis
> tayoḥ pramodottha-ruci-cchaṭā-kaṇam Bhss_1.106
> 
> ūce viśākhā kalayāli! kāntau
> niraṃśukāv aṃśuka-puñja-mañjū
> vihāriṇāv apy atihāriṇau svair
> aṅgair anaṅgair alasau lasantau Bhss_1.107
> 
> anaṅgadau keli-vaśād anaṅgadau
> nirañjanau hanta mitho nirañjanau
> visrasta-rāgādharatābhilakṣitau
> viprastarāgādharatābhilakṣitau Bhss_1.108
> 
> athāvabhāṣe lalitā'vadhāryatāṃ
> jayaḥ smarājau katarāśrito dvayoḥ
> babhūva daṣṭādharayoḥ kaca-graha-
> vyākṣipta-mūrdhnor nakhara-kṣatorasoḥ Bhss_1.109
> 
> hṛdo 'nurāgaṃ kuca-kuṅkuma-cchalān-
> nyadhatta rādhācyuta-pāda-padmayoḥ
> yāvad ravārakta-tarālako dadhau
> mūrdhnaiva so 'syāḥ padayos tam ujjvalam Bhss_1.110
> 
> itthaṃ kṣaṇaṃ tāvad alakṣitāṅgyo
> nīcaiḥ svaraṃ tāv anuvarṇayantyaḥ
> bhāgyaṃ svam evātisabhājayantyo
> mamajjur ānanda-mahodadhau tāḥ Bhss_1.111
> 
> tataḥ punas tān atha i ibhādī-
> nūtkūjataḥ prāha vidhūta-tandrā
> haṃho! kṣamadhvaṃ śayituṃ kṣaṇaṃ me
> datteti sā mo ayad aṅgam īṣat Bhss_1.112
> 
> kādamba-kāraṇḍava-haṃsa-sārasāḥ
> kapota-śārī-śuka-keki-kokilāḥ
> jaguḥ kalaṃ kelivanī-jala-sthala-
> pracāriṇaḥ kṛṣṇa-kathāmṛtopamam Bhss_1.113
> 
> prabuddhya kāntau yugapad yathā rujaṃ
> viśleṣajām ūhatur aṅga-mo anāt
> cāmpeya-nīlābja-dhanus tviṣau tathā
> sāndropagūhena mudaṃ ca vakṣasoḥ Bhss_1.114
> 
> athāsyā vayasyāḥ pramodāt smitāsyāḥ
> sakhīṃ tāṃ hasantyo mithaḥ prerayantyaḥ
> saśaṅkāḥ samantāt prabhātād durantāt
> praviṣṭā nikuñjaṃ saśabdāli-puñjam Bhss_1.115
> 
> abhilakṣya sakhīr vihasad- vadanāḥ
> savidhopagatā vicalan-nayanāḥ
> dayitāya mudaṃ dviguṇaṃ dadatī
> dayitoruyugād udatiṣṭha-diyam Bhss_1.116
> 
> tvarotthitā sambhrama-saṃgṛhīta-
> pītottarīyeṇa vapuḥ pidhāya
> pārśve priyasyopaviveśa rādhā
> salajjam āsāṃ mukham īkṣamāṇā Bhss_1.117
> 
> athānuraktāly anumodanāñcitā
> mudā tayor aidhata rūpa-mañjarī
> saiva svayaṃ keli-vilāsinor dvayos
> tadātva-ramyāpacitau paṭīyasī Bhss_1.118
> 
> pṛṣṭhopadhānaṃ nidadhe kayācana
> pyadhād athānyā mṛdulāṃśukena tau
> pīyūṣa-va y-ārpitayāsyayoḥ parā
> nirasya ghūrṇāṃ vikasad dṛśau vyadhāt Bhss_1.119
> 
> kācit prasūnāmbu-darārdra-vāsasā
> vyatyasta-rāgāñjana-yāvakādikam
> mṛṣṭvā pratisvekṣaṇa-siddhaye tayor
> mukha-dvayaṃ darpaṇatāṃ nināya kim Bhss_1.120
> 
> tāmbūla-vī īr nidadhe parāsminn
> ekā pa imnā maṇi-dīpa-pālyā
> tan-maṅgalārātrikam āśu cakre
> nīrājayanty eva nijāsu-lakṣaiḥ Bhss_1.121
> 
> madhye'cyutāṅga-ghana-kuṅkuma-paṅka-digdhaṃ
> rādhāṅghri-yāvaka-vicitrita-pārśva-yugmam
> sindūra-candana-kaṇāñjana-bindu-citraṃ
> talpaṃ tayor diśati keli-viśeṣam ābhyaḥ Bhss_1.122
> 
> pramliṣṭa-puṣpoccaya-sanniveśāṃ
> tāmbūla-rāgāñjana-citritāṅgīm
> vyaktībhavat-kānta-vilāsa-cihnāṃ
> śayyām apaśyan svasakhīm ivālyaḥ Bhss_1.123
> 
> kvacana ghusṛṇa-paṅkaḥ kvāpi sindūrajo 'ṅkaḥ
> kṣata-viraha-vipakṣa-prasnutāsṛk-sapakṣaḥ
> kvacana kusuma-dāma-cchinna-kodaṇḍa-dhāma
> kva ca vilulita-hāraś chinna-maurvī-prakāraḥ Bhss_1.124
> 
> kvacana mṛgamadāṅkāḥ kutracit kajjalāṅkāḥ
> smara-narapati-danti-ccheda-kalpāḥ sphuranti
> sa hi ratiraṇa-raṅgaḥ kautukodyat-taraṅgaḥ
> samajani sumukhīnām āgatānāṃ sakhīnām Bhss_1.125
> 
> vakṣaḥ svaṃ darśayaṃs tābhyo
> dṛg bhaṅgyovāca tā hariḥ
> didṛkṣuḥ svapriyā-vaktra-
> bhāva-śābalya-mādhurīm
> vidhuṃ prayāsyantam avekṣya kāntaṃ
> viśleṣa-bhītoṣasi paśyatālyaḥ
> didṛkṣayevāmbara-citra-pa yāṃ
> rādhendulekhā-śatam ālilekha Bhss_1.126-127
> 
> iti nigadati kṛṣṇe vīkṣya sāgre vayasyāḥ
> prahasita-vadanās tāḥ saṅkucal lola-netrā
> vikasad amala-gaṇḍaṃ dolitārecita-bhrūḥ
> priyam anṛju-kaṭākṣaiḥ paśyati sma ghnatīva Bhss_1.128
> 
> helollāsādara-mukulitā vāspa-sāndrāruṇāntā
> lajjā-śaṅkā-capala-cakitā bhaṅgurerṣyābhareṇa
> smera-smerā dayita-vadanālokanotphulla-tārā
> rādhā-dṛṣṭir dayita-nayanānandam uccair vyatānīt Bhss_1.129
> 
> itthaṃ mithaḥ prema-sukhābdhi-magnayoḥ
> pragetanīṃ vibhrama-mādhurīṃ tayoḥ
> nipīya sakhyaḥ pramadonmadās tadā
> tadātva-yogyācaraṇaṃ visasmaruḥ Bhss_1.130
> 
> vilokya līlāmṛta-sindhu-magnau
> tau tāḥ sakhīś ca praṇayonmadāndhāḥ
> vṛndā prabhātodaya-jāta-śaṅkā
> nijeṅgita-jñāṃ nidideśa sārīm Bhss_1.131
> 
> guru-lajjā-bhartṛ-bhīti-
> loka-hāsa-nivārikā
> śubhākhyā sārikā prāha
> rādhikā-bodha-sādhikā Bhss_1.132
> 
> āgantā grāhayitvā tava patir adhunā goṣṭhataḥ kṣīra-bhārān
> uttiṣṭhottiṣṭha rādhe tad iha kuru gṛhe maṅgalāṃ vāstu-pūjāma
> itthaṃ yāvad dhavāmbā tava nahi śayanād utthitā vāvadīti
> tāvac chayyā-niketaṃ vraja sakhi nibhṛtaṃ kuñjataḥ kañja-netre!! Bhss_1.133
> 
> śaṅkā-paṅkā-kalita-hṛdayā śaṅkate'syā dhavāmbā
> chidrānveṣī patir atika uḥ sārthanāmābhimanyuḥ
> ruṣṭābhīkṣṇaṃ parivadati sā hā nanandāpi mandā
> prātar-jātaṃ tad api saralāṃ kṛṣṇa naināṃ jahāsi Bhss_1.134
> 
> sārī-vaco-mandara-śaila-pāta-
> saṃkṣubdha-hṛd-dugdha-payodhir eṣā
> athodbhraman netra-navīna-mīnā
> viyoga-dīnā śayanād udasthāt Bhss_1.135
> 
> kṛṣṇo 'pi kāntaṃ vṛṣabhānu-jāyāḥ
> paśyan mukhaṃ bhīti-vilola-netram
> nīlaṃ sucīnaṃ dayitā-nicolaṃ
> gṛhṇan svatalpāt tvarayodatiṣṭhat Bhss_1.136
> 
> parivartita-saṃvyānau
> mithas tāv atha śaṅkitau
> paraspara-karālambau
> niragātāṃ nikuñjataḥ Bhss_1.137
> 
> rādhā-pāṇiṃ savye'savye
> pāṇau bibhrad veṇuṃ kṛṣṇaḥ
> reje kuñjān niryan yadvad
> vidyun-mālāśliṣṭāmbhodaḥ Bhss_1.138
> 
> haimaṃ bhṛṅgāram ekā vyajanam atha parā svarṇa-daṇḍaṃ dadhānā
> kāpy ādarśaṃ sudarśaṃ ghusṛṇa-malayajā'matram anyā vicitram
> kācit tāmbūla-pātraṃ maṇi-citam aparā sārikāṃ pañjarasthām
> itthaṃ sakhyaḥ kiyat yāḥ pramudita-hṛdayā niryayuḥ kuñja-gehāt Bhss_1.139
> 
> māhendra-kānta-cchadanaṃ sakāñcanaṃ
> dāntaṃ sasindūra-samudgakaṃ parā
> āpanna-satvā-kuca-ku malopamaṃ
> kuñjād gṛhītvā niragān mṛdu-smitā Bhss_1.140
> 
> āśleṣa-sañchinna-guṇāt paricyutaṃ
> hārāl lasan-mauktika-sañcayaṃ mudā
> vicitya kācit svapa āñcale dṛḍhaṃ
> nibadhnatī kuñja-gṛhād viniryayau Bhss_1.141
> 
> tā aṅkaṃ keli-vibhraṣṭaṃ
> talpād ādāya satvarā
> nirgatya sveśvarī-karṇe
> yuyoja rati-mañjarī Bhss_1.142
> 
> talpa-prāntād upādāya
> kañculīṃ rūpa-mañjarī
> priyanarma-sakhī sakhyai
> nirgatya nibhṛtaṃ dadau Bhss_1.143
> 
> patadgrāham upādāya
> dāsikā guṇa-mañjarī
> tāmbūlaṃ carvitaṃ tābhyo
> vibhajantī bahir yayau Bhss_1.144
> 
> mañjulālī tayor aṅgāc
> cyuta-mālyānulepanam
> talpād ādāya sarvābhyaḥ
> prayacchantī vinirgatā Bhss_1.145
> 
> vilokyāgre meghāmbara-vṛta-śarīraṃ priyatamaṃ
> vayasyāṃ tāṃ pītāmbara-parivṛtāṅgīṃ pramuditām
> hasantyas tāḥ sakhyaḥ kara-pihita-mukhyaḥ pratidiśaṃ
> diśantyaś cānyonyaṃ ku ila-cala-dṛgbhir mumudire Bhss_1.146
> 
> samīkṣya tāsāṃ parihāsa-bhaṅgīm
> anyonya-vaktrārpita-phulla-netrau
> samucchalat-prema-sukhābdhi-magnau
> citrārpitāṅgāv iva tāv abhūtām Bhss_1.147
> 
> ghanaśyāmaṃ cīnaṃ vasanam abhilīnaṃ priya-tanau
> kṣamā nāsīt kāntā svam api paricetuṃ ghana-rucau
> svam ajñāsīt sphītaṃ harir api na pītaṃ priyatamā-
> tanau līnaṃ cīnaṃ kanaka-ruci kambāv iva payaḥ Bhss_1.148
> 
> tayor līlā-sudhā-pāna-
> pratyūhāmarṣa-saṅkulā
> nindanty aruṇam udyantam
> athāha lalitā sakhīm Bhss_1.149
> 
> ūṣasi vara-vadhūnāṃ paśya rādhe'ruṇo 'yaṃ
> ramaṇa-sahita-līlā-bhaṅgataḥ pāpa-rugbhiḥ
> galita-pada-yugo 'py adyāpi tan no jahāti
> dhruvam iti vacanaṃ yad-dustyajaḥ sva-svabhāvaḥ Bhss_1.150
> 
> aruṇāruṇe nidadhatī tato 'mbare
> rati-keli-bhaṅgaja-ruṣā'ruṇāṃ dṛśam
> lalitopahāsa-janita-smitānanā
> vṛṣabhānujāha mṛdu-mañjubhāṣiṇī
> anūrur apy astamayan kṣaṇārddhān
> nabho vilaṅghyodayam eti so 'yam
> cet sorum enaṃ sa vidhir vyadhāsyad
> vārttāpi rātrer na tadābhaviṣyat Bhss_1.151-152
> 
> manoramāṃ vīkṣya vibhāta-lakṣmīṃ
> nipīya tasyā vacanāsavaṃ ca
> mudonmanā vismṛta-goṣṭha-yānaḥ
> prāṇeśvarīṃ tām avadan mukundaḥ
> inaṃ prabhātopagataṃ samīkṣya
> kānteva kāntāntara-bhukta-kāntam
> paśyānya-dik-saṅga-kaṣāyitāṅgaṃ
> prācīyam īrṣyāruṇiteva jātā Bhss_1.153-154
> 
> paśyonmatte dvijeśo 'py akhila-jana-tama-stoma-hantāpi śāntaḥ
> kānto 'yaṃ te samantāt sapadi nipatito vāruṇīṃ saṃniṣevya
> itthaṃ svīyena-saṅga-pramudita-nalinī-hāsa-sañjāta-lajjā
> śaṅke vaktraṃ pidhatte hy uṣasi kumudinī saṅkucadbhir dalaiḥ svaiḥ Bhss_1.155
> 
> dṛṣṭvā tamaḥ-kṣayam amī vidhunānyapuṣṭā
> naktaṃ tamaś-caya-nibhāś cakitāḥ prabhāte
> mitraṃ tad-āśrayatayā tamasā carantīṃ
> grastaṃ kuhūr iti kuhūṃ svagirāhvayanti Bhss_1.156
> 
> vasanta-kānta-saṃsarga-
> jātānanda-bharā avī
> kapotī-ghūtkṛti-miṣāt
> śītkarotīva sonmadā Bhss_1.157
> 
> paśyānusarati cañcala-bhṛṅgaḥ
> kairaviṇī-kula-keli-piśaṅgaḥ
> nalinī-koṣe niśi kṛta-saṅgāṃ
> bhṛṅgīṃ śaśimukhi! kṛta-natibhaṅgām Bhss_1.158
> 
> kāntam āyāntam āśaṅkyā-
> ruṇāṃśu-dviguṇāruṇam
> kokī koka-nadaṃ cañcvā
> cumbaty ānanda-vihvalā Bhss_1.159
> 
> kalasvanākhyaḥ kalakaṇṭhi! haṃsaḥ
> samīkṣya nau sammada-phulla-pakṣaḥ
> riraṃsum apy eṣa visṛjya haṃsīṃ
> ta aṃ ta inyāḥ purataḥ sameti Bhss_1.160
> 
> svasahacara-visṛṣṭaṃ svāmibhuktaṃ mṛṇālaṃ
> madakala-kalakaṇṭhī vibhratī paśya cañcvā
> ramaṇam anu sameti tvan mukhābjārpitākṣī
> sarasija-mukhi nāmnā tuṇḍiketī marālī Bhss_1.161
> 
> malaya-śikhara-cārī paṅkajāmoda-dhārī
> vratati-na a-kumārī-lāsya-śikṣādhikārī
> vahati jala-vihārī vāyur āyāsa-dārī
> sa ramaṇa-vara-nārī-sveda-jālāpahārī Bhss_1.162
> 
> itīśayoḥ sumadhura-vāg vilāsayoḥ
> samīkṣya tāṃ svabhavana-yāna-vismṛtam
> sakhīś ca tāḥ smita-rucirā mudonmadā
> vaneśvarī divasa-bhiyāsa sonmanāḥ Bhss_1.163
> 
> kāntā udīyur vikasan mukhendavo
> rātrir gatā cāstam apāsta-candrikā
> vilāsa-bhaṅgaḥ katham astu nāstu vā
> kṣaṇaṃ hṛdaiveti parāmamarśa sā Bhss_1.164
> 
> tamāṃsya naśyann abhito yathā yathā
> tadā prakāśaś ca yathā yathaidhata
> tathā tathā hṛd-rujam eva sānvabhūd
> vrajasya rītiṃ śrutayo 'pi no viduḥ Bhss_1.165
> 
> atha vṛndeṅgitābhijñā
> samaya-jñā taru-sthitā
> padyam udyotayāmāsa
> kakkha ī vṛddha-marka ī Bhss_1.166
> 
> raktāmbarā satāṃ vandyā
> prātaḥ-sandhyā tapasvinī
> ūrdhva-prasarpad arkāṃśur
> jaṭileyam upasthitā Bhss_1.167
> 
> ākarṇya tābhir jaṭileti varṇa-
> trayīṃ vivarṇatvam adhāri sadyaḥ
> vilāsa-ratnākaram udbhavantī
> śaṅkaiva tāsāṃ culukī-cakāra Bhss_1.168
> 
> pathi piśuna-matibhyaḥ śaṅkamānau gurubhyaḥ
> cala-cakita-taraṅgau nikṣipantāv apāṅgau
> parama-guṇa-gabhīrau kāma-saṃgrāma-dhīrau
> yayatū rati-vitandrau rādhikā-kṛṣṇacandrau Bhss_1.169
> 
> na pathi na bhavane vā lakṣitau tau vane vā
> sahaja-sad-anuraktyā svīyayānanda-śaktyā
> parijana-nayanānām utsavānādadhānāv
> atha pathi viharantau rejatur loka-kāntau Bhss_1.170
> 
> bhraśyad dukūla-cikura-srajam unnayantau
> bhītau pṛthag gahana-vartmani cāpayāntau
> tau vīkṣya bhīti-taralau jaṭileti nāmnā
> sakhyas tatas tata itaś cakitā nirīyuḥ Bhss_1.171
> 
> vāme candrāvali-parijanān ghoṣa-vṛddhān purastāt
> kṛṣṇaḥ paścāt ku ila-jaṭilām āgatāṃ manyamānaḥ
> yāntīṃ kāntāṃ sabhaya-caṭulāṃ dakṣiṇe draṣṭum utkaś
> cañcad-grīvaṃ diśi diśi dṛśau prerayan goṣṭham āyāt Bhss_1.172
> 
> mlānām utkṣipya mālāṃ tru ita-maṇisaraḥ kajjalaṃ vibhrad oṣṭhe
> saṃkīrṇāṅgo nakhāṅkair diśi diśi vikiran ghūrṇite netra-padme
> paśya mlānāṅga-yaṣṭiḥ sphuṭam aparicito gopa-goṣṭhībhir agre
> goṣṭhe goṣṭhendra-sūnuḥ praviśati rajanau dhvaṃsam āsādayantyām Bhss_1.173
> 
> anugatā jaṭilety abhiśaṅkinī
> guru-nitamba-kucodvahanākulā
> druta-vilambita-valgu yayau vrajaṃ
> kara-dhṛtāmbara-keśacayeśvarī Bhss_1.174
> 
> na vyālād api sambibheti purataḥ sthāṇor yathā dūrato
> nodvignā kari-garjitād api yathā kākāvalī-nisvanāt
> naiveyaṃ timire'pi muhyati-tarāṃ kāmaṃ prakāśe yathā
> tan manye virahe'pi naiva vidhurā kāntasya yoge yathā Bhss_1.175
> 
> bhayānurāgoccaya-dhūmra-lola-dṛk-
> tiras-kariṇyā pihite manorathe
> nije niveśyaiva hi rūpa-mañjarī
> gṛhaṃ ninīṣuḥ pathi tāṃ tad anvayāt Bhss_1.176
> 
> itas-tataḥ kṣipta-calekṣaṇāśugair
> bhī-dustha-hṛd-vṛtti-cayair bha air iva
> agresarais tāṃ rati-mañjarī ca sā
> nivārayanty anya-janāṃs tadānvayāt Bhss_1.177
> 
> tābhir vṛtā vraja-janair avilokitaiva
> veśma praviśya nija-talpam athādhyatiṣṭhat
> preyo-viyoga-vidhurā hi sakhīm athāsau
> hṛd-vedanāṃ prakaṭam āha sagadgadāśru Bhss_1.178
> 
> niḥsārya gehāl lalite'dhunaiva māṃ
> praveśayasy apy adhunaiva tat punaḥ
> kṛṣṇāṅga-saṅgāmṛta-sindhu-majjana-
> pralobhanaivādya vṛthā kṛtā tvayā Bhss_1.179
> 
> astācalaṃ yann adhunā vyaloki yaḥ
> sa tigma-raśmiḥ sakhi! pūrva-parvatam
> āroḍhum ākāṅkṣati kiṃ vibhāvarī
> kha-puṣpatām adyatanī jagāma kim? Bhss_1.180
> 
> dhiṅ me śrutiṃ dhig rasanāṃ dṛśaṃ ca dhik
> sadātanautkaṇṭhya-bhara-jvarāturam
> prāpur na pātuṃ lavam apy amuṣya yāḥ
> sausvarya-saurasya-surūpatāmṛtam Bhss_1.181
> 
> nirveda-paddhatim apīpa had eva pūrvaṃ
> yogo 'dhunā tu sarale bhavatīṃ viyogaḥ
> ādyo 'cyutāmṛtam adarśayad artham asyā
> anyo 'nubhāvayati hā ka u-kālakū am Bhss_1.182
> 
> itthaṃ sakhī-giram api pratiboddhum eṣā
> naivānurāga-para-bhāgavatī śaśāka
> svapne punaḥ kalayituṃ hṛdayādhināthaṃ
> suṣvāpa sā'tha śayane vṛṣabhānu-putrī Bhss_1.183
> 
> anabhisārikāṃ kāñcit pṛcchantīṃ prati kācid āha-
> srastaṃ srastam udañcayaty adhiśiraḥ śyāmaṃ nicolāñcalaṃ
> hastena ślatha-durbalena lulitākalpāṃ vahantī tanum
> muktārdhām avarudhya veṇim alasa-syande kṣipantī dṛśau
> kuñjāt paśya gṛhaṃ praviśya nibhṛtaṃ śete sakhī rādhikā Bhss_1.184
> 
> nirvartya vibhrama-bharaṃ samaye svadhāmni
> supte'cyute pratilayaṃ śrutayo yatheśam
> līlā-vitāna-nipuṇāḥ saguṇāḥ samīyuḥ
> sakhyo 'palakṣya-gatayaḥ sadanaṃ yathā-svam Bhss_1.185
> 
> iti śrī-bhāvanā-sāra-saṅgrahe niśānta-līlā-saṅgraho nāma prathama-saṅgrahaḥ
> 
> śrī śrī bhāvanā-sāra-saṅgrahaḥ
> 
> prātar-līlā
> 
> paśyantīṃ svasutaṃ śaci bhagavatī saṅkīrtane vikṣataṃ
> prātar hā katham eva te vapur idaṃ sūno babhūva kṣatam
> itthaṃ lālanataḥ svaputra-vanuṣi vyagrā spṛśantī muhus
> talpāj jāgarayāñ cakāra yam ahaṃ taṃ gauracandraṃ bhaje Bhss_2.1
> 
> bhaktaiḥ sārddham upāgatair bhuvi nataiḥ śrīvāsa-guptādibhiḥ
> pṛcchadbhiḥ kuśalaṃ prage parimilan prakṣālya vaktraṃ jalaiḥ
> puṣpādi-prativāsitaiḥ sukathayan svapnānubhūtaṃ kathāṃ
> snātvādyād dhari-śeṣam odana-varaṃ yas taṃ ḥhi gauraṃ bhaje Bhss_2.2
> 
> mūla-sūtra
> 
> rādhāṃ snāta-vibhūṣitāṃ vraja-payāhūtāṃ sakhībhiḥ prage
> tad-gehe vihitānnapāka-racanāṃ kṛṣṇāvaśeṣāśanām
> kṛṣṇaṃ buddham avāpta-dhenu-sadanaṃ nirvyūḍha-godohanaṃ
> susnātaṃ kṛta-bhojanaṃ sahacarais tāṃ cātha taṃ cāśraye Bhss_2.3
> 
> snātānulipta-vapuṣaḥ pupuṣuḥ svabhās tan
> nirmālya-mālya-vasanābharaṇena dāsyaḥ
> prāsya svakāmam anuvṛtti-ratās tayor yāḥ
> śrī-rūpa-mañjari-samāna-guṇābhidhānāḥ Bhss_2.4
> 
> tā vidyud-uddyuti--jayi-prapadaika-rekhā
> vaidagdhya eva kila mūrti-bhṛtas tathāpi
> yūtheśvarītvam api samyag arocayitvā
> dāsyāmṛtābdhim anu sasnur ajasram asyāḥ Bhss_2.5
> 
> śvaśrū-purāntara-gatottara pārśva-varti
> bhrājiṣṇu dhāma vara-śilpa-kalaika-dhāma
> tātena vatsalatayā vṛṣabhānunaiva
> nirmāpitaṃ tad upamāpi tad eva nānyat Bhss_2.6
> 
> sthūṇā-praghāṇa pa alāṅgaṇa-toraṇālī-
> gopānasī-vividha-koṣṭha-kapā a-vedyaḥ
> rājanti yatra maṇi-dīpa-tati-pradīpta-
> vaicitrya-nirmita-janekṣaṇa-citra-bhāvāḥ Bhss_2.7
> 
> yatrendranīla-maṇi-bhūr-valabhī ghanābhā
> haṃsālir apy upari rājati rājatī sā
> ye vīkṣya bandhu-ripu-bhāna-bhṛto vitatya
> saṅkocayanti śikhinaḥ svaśikhaṇḍa-paṅktīḥ Bhss_2.8
> 
> tatropaveśa-śayanāśana-bhūṣaṇādi-
> vedīr vimṛjya parilipya viśodhya tās tāḥ
> āstīrya rāṅkavam upary upayukta-muktam
> ullocam unnata-mudo militā babandhuḥ Bhss_2.9
> 
> ekā mamārja maṇi-kāñcana-bhājanāni
> kācit payaḥ samaya-yogyam upānināya
> citrāṃśukāpihita-ratna-catuṣkikāyām
> ālambanīyam adadhād aparopabarham Bhss_2.10
> 
> pūrvedyur aṃśuka-maṇimaya-bhūṣaṇāni
> mṛṣṭāni yatra nihitāny atha sampu aṃ tat
> uccair jhanad-valaya-rāji samudghaṭayya
> kācij jagharṣa vidhu-kuṅkuma-candanāni Bhss_2.11
> 
> anyā vyadhatta sumanāḥ sumanobhir eva
> citraiḥ kirī a-ka akāṅgada-hāra-kāñcīḥ
> jātī-lavaṅga-khadirādibhi rajyamānāḥ
> kācid babandha surasāḥ phaṇivallī-vī īḥ Bhss_2.12
> 
> atrāntare pratidiśaṃ dadhi-manthanottha-
> rāvair avārita-mahīsura-veda-ghoṣaiḥ
> hambā-dhvani-vyatividhāna-mitho 'vadhāyi-
> dhenvāli-tarṇaka-ghaṭā valad antarāyaiḥ Bhss_2.13
> 
> vṛndiṣṭha-vandi-jana-vṛnda-vitāyamāna-
> śrī-kṛṣṇa-kīrti-virudāli-sudhā-taraṅgaiḥ
> śārī-śuka-vraja-kalaiḥ kalaviṅka-keki-
> kolāhalaiḥ kramata eva samedhamānaiḥ Bhss_2.14
> 
> jāgratsu loka-nicayeṣv atha vāsareti
> kartavya-bhāvana-pareṣv adhiśayam eva
> kṛṣṇekṣaṇa-kṣaṇa satṛṣṇatayā purandhrī-
> vṛndeṣu nanda-gṛha-sandita-mānaseṣu Bhss_2.15
> 
> naptrī-mukhāmbuja-vilokana-jīvitāyāṃ
> tatropasṛtya sahasā mukharābhidhāyām
> vātsalya-ratna-paṭalī-bhṛta-peṭikāyāṃ
> rādhe! kva putri! bhavasīti samāhvayantyām Bhss_2.16
> 
> svabhāva-ku ilāpy ātma-
> suta-sampatti-kāṅkṣayā
> vyākulā jaṭilā gatvā
> nikaṭaṃ tām athābravīt
> sūnoḥ prajāyur dhana-vṛddhaye'sau
> tvayā snuṣā jñe! niyataṃ niyojyā
> sumaṅgala-snāna-vibhūṣaṇādau
> go-koṭi-hetos tapanārcanāya
> ājñānavajñā nija-goṣṭha-rājñyāḥ
> kāryānabhijñoktiṣu te'py avajñā
> ity ādiśaty anvaham artha-vijñā
> vijñāpitā me kila paurṇamāsī
> asmāt tvam ārye svāṃ naptrīṃ
> sarva-maṅgala-maṇḍitām
> vidhehi sarva-sampattir
> yathā sūnor bhaven mama Bhss_2.17-20
> 
> vadhūm athābhāṣasata putri! talpād
> uttiṣṭha tūrṇaṃ kuru vāstu-pūjām
> tvaṃ maṅgala-snāna-vidhiṃ vidhāya
> pūjopahāraṃ savitur vidhehi Bhss_2.21
> 
> prabhātam āyātam aho tathāpi
> nidrāti naptrīti muhur vadantī
> sneha-drutāṅgī mukharā praviśya
> śayyālayaṃ tām avadat tadedam
> uttiṣṭha vatse śayanāt pramugdhe
> vyasmāri vāro 'dya raves tvayā kim?
> snātvā prabhātārghya-vidhānam asmai
> pūjopahāraṃ racayāsya cāśu Bhss_2.22-23
> 
> tad-vacaḥ pratibuddhātha
> viśākhotthāya sālasā
> sakhi! tūrṇaṃ samuttiṣṭhot-
> tiṣṭheti prāha satvarā Bhss_2.24
> 
> tāsāṃ vacobhiḥ śayane'tha mugdhā
> muhuḥ prajāgaryya punar nidadrau
> vicālitā vīcicayais taḍāge
> sā rājahaṃsīva ratālasāṅgī Bhss_2.25
> 
> tadaivāvasarābhijñā
> jagrāha rati-mañjarī
> sakhī vṛndāvaneśvaryāḥ
> śrīmac-caraṇa-paṅkajam Bhss_2.26
> 
> ittham iyaṃ bahubhiḥ kṛta-bodhā
> svāc-chayanād udatiṣṭhad analpāt
> tām atha vīkṣya supīta-paṭāṅgīṃ
> śaṅkita-hṛn-mukharedam uvāca
> druta-kanaka-savarṇaṃ sāyam etan murārer
> vasanam urasi dṛṣṭaṃ yat sakhī te bibharti
> kim idam ayi viśākhe! hā pramādaḥ pramādo
> vyavasitam idam asyāḥ paśya śuddhānvayāyāḥ Bhss_2.27-28
> 
> tad-vacaś cakita-dhīr hṛdi sakhyā
> vīkṣya pīta-vasanaṃ cala-dṛṣṭyā
> hā kim etad iti tāṃ ca diśantī
> drāg uvāca jaratīṃ ca viśākhā
> svabhāvāndhe! jālāntara-gata-vibhātodita-ravi-
> cchaṭā-jāla-sparśocchalita-kanakāṅga-dyuti-bharaiḥ
> vayasyāyāḥ śyāmaṃ vasanam api pīti-kṛtam idaṃ
> kuto mugdhe śaṅkāṃ jarati kuruṣe śuddha-matiṣu Bhss_2.29-30
> 
> lalitā-pramukhās tāvat
> sakhyas tāḥ sva-sva-gehataḥ
> ājagmus tvaritāḥ sakhyāḥ
> praskhalad gatayo 'ntikam Bhss_2.31
> 
> tāsāṃ vākyair gatāyāntu
> kṛta-vañcana-sañcayaiḥ
> mukharāyāṃ tato 'nyāsu
> draṣṭu-kāmāsu tatra tām
> ekaikaśo 'tha militāsu sakhīṣu sarvā-
> sv anyonya-hāsa-parihāsa-parāsu tāsu
> suśliṣṭa-maṇḍalatayaiva kṛtopaveśā-
> sv ārūḍha-ratna-maṇi-hema-catuṣkikāsu Bhss_2.32-33
> 
> śrī-rādhikā-milanam eva samasta-harṣa-
> śasyaika-varṣam iti yad-dhṛdi niścikāya
> śyāmalaitya samayā samayābhivijñā
> śliṣṭā tayā suṣamayeva tadāsa tatra Bhss_2.34
> 
> śyāme! tvam evam adhunaiva vicintyamānā
> man-netra-vartma-gamitā vidhinā yathaiva
> tadvat sa tarṣa-vi apī phalayiṣyate ced
> adyaiva tarhi gaṇayāny api suprabhātam Bhss_2.35
> 
> hantaiṣa santatam atīva samedhamānaḥ
> śaśvat sakhībhir api sundari! sicyamānaḥ
> nādyāpi yat phalam adhād ayi! ko 'tra hetur
> hā tat kadātirabhasād avalokayiṣye Bhss_2.36
> 
> rādhe! sa te na phalito yadi tat phaliṣyaty
> āścaryam asya phalam apy alasāṅgi! buddhye
> āsvādyamānam api saurabha-māditāli
> pratyāyayaty ananubhūtam iva svam uccaiḥ Bhss_2.37
> 
> pakṣmāvalī bata yadīya-rasena śoṇe-
> nārañji kañja-mukhi! tan na tad apy apaśyaḥ
> yat-svādana-vyatikarād adharo vraṇitvam
> āgāt tathāpi tad aho! na kadāpy abhuṅkthāḥ Bhss_2.38
> 
> śyāme! tvam apy alam alakṣita-man-nitānta-
> svānta-vraṇā hasasi māṃ yad ato bravīmi
> vidyud vihanti timiraṃ niśi yad dṛśos tat
> sadyaḥ punar dviguṇayed iti bhoḥ pratīhi Bhss_2.39
> 
> rādhe! kalā-nidhir ayaṃ vidhinopanītas
> tvāṃ santatāmṛtamayair adhinot karāgraiḥ
> yat tat-kalāḥ svayam aho kucayor bibharṣi
> vidyun-nibhatva-parivādam athāpi datse Bhss_2.40
> 
> śyāme! sa me sakhi! dadau na kalaṅkam eva
> satyaṃ kalānidhir asāv iti vaḥ pratītaḥ
> datte kadāpi mama dṛṣṭi-cakorikā yair
> jyotsnā-kaṇaṃ yad api tan na punar nikāmam Bhss_2.41
> 
> rādhe! sphuṭaṃ vada bhavan-mukha-paṅkajottha-
> naktan-tanehita-sudhā-dyudhunī vidhūya
> tāpaṃ nimajjayatu māṃ svam anu prabhāte
> kṛtyāntaraṃ mama kathaṃ tad-ṛte susidhyet Bhss_2.42
> 
> śyāme'dhikuñja-nilayaṃ nava-nīla-kānti-
> dhārā yadā snapayituṃ niśi māṃ pravṛttā
> tarhy eva pañcaśara-sañcaya-nā ya-raṅga-
> bhūmiṃ ca kena ca kāñcana yāpitā'sam Bhss_2.43
> 
> vadantītthaṃ mūrchāṃ parama-paramānanda-janikāṃ
> gatā seyaṃ sadyaḥ smṛti-vidhuratā-paddhatim agāt
> kadāyātā śyāme punar iti hi pṛṣṭāham adhunā-
> gatety uktvāpṛcchat parikalita-bodhāṃ sapadi tām Bhss_2.44
> 
> alasa-valitam aṅgaṃ svāvasādaṃ vyanakti
> glapitam iva mṛṇālī-kandalaṃ dordvayaṃ te
> daśana-vasanam etan nīrasaṃ gaṇḍa-pālī
> lulita-lalita-patrā prakramaḥ kas tavaiṣaḥ Bhss_2.45
> 
> abhinava-latikeva vāta-rugnā
> nava-nalinīva mataṅgajena bhugnā
> mṛdutara-nava-mālikeva dhūtā
> mada-madhupena vilakṣyase tvam adya Bhss_2.46
> 
> api ciram abhilaṣyamāṇa evaṃ
> praṇayini ko 'pi sudurlabho hi labdhaḥ
> atha katham iyam anyathā'smad ādeḥ
> phalita-vatī sakhi! bhāgya-kalpa-vallī Bhss_2.47
> 
> iti sapraṇaya-vācā sādaraṃ pṛcchyamānā
> pa a-vṛta-mukhacandrā svaccha-cittā batāsau
> mudam atha janayantī pārśvagānāṃ sakhīnām
> avani-nihita-dṛṣṭiṃ sasmitaḥ praty uvāca Bhss_2.48
> 
> kvāhaṃ sthitā kva calitā kva ca vā sa panthā
> nītāsmi kena nalinākṣi tadīya pārśvam
> kiṃvā babhūva mayi tatra sametavatyāṃ
> jānāmy ahaṃ yadi tadā bhavatī na vetti Bhss_2.49
> 
> vyāpāro manasaś ca yatra na gataḥ sambhāvanābhāvato
> yat svapnaḥ kim athendra-jālam athavā bhrāntiḥ sudīrghaiva me
> tat kiṃ hlādi kim ārtidaṃ kim ubhayaṃ kiṃvā na tan nāpi tac-
> ceto-vidruti-kārakaṃ ca manaso mūrchākaraṃ cābhavat Bhss_2.50
> 
> atha śyāmāha-
> kelī-kalādhyayana-kauśalam ekadaiva
> na syād ataḥ kim api no bhavatī viveda
> bhūyas tataḥ sakhi! vilāsa-guroḥ sakāśād
> yatnād adhīṣva yadi vijñatamāsi bhūṣṇuḥ Bhss_2.51
> 
> tataḥ śrī-rādhikā prāha-
> mātaḥ paraṃ sumukhi! yāmi tadīya-pārśvaṃ
> dūrād asau nayana-vartma-nivartanīyaḥ
> adhyetu nāma bhavatī tata eva tat te
> pāṇḍityam eva manaso rasadaṃ mama syāt Bhss_2.52
> 
> bhrājante vara-danti! mauktika-gaṇā yasyollikhadbhir nakhaiḥ
> kṣiptāḥ puṣkara-mālayāvṛta-rucaḥ kuñjeṣu kuñjeṣv amī
> śau īryābdhir uroja-pañjara-taṭe saṃveśayantyā kathaṃ
> sa śrīmān hariṇekṣaṇe! harir abhūn netreṇa baddhas tvayā? Bhss_2.53
> 
> ko 'yaṃ kṛṣṇa iti vyudasyati dhṛtiṃ yas tanvi karṇaṃ viśan
> rāgāndhe! kim idaṃ sadaiva bhavatī tasyor asi krīḍati
> hāsyaṃ mā kuru mohite! tvam adhunā nyastāsya haste mayā
> satyaṃ satyam asau dṛgaṅganam agād adyaiva vidyun-nibhaḥ Bhss_2.54
> 
> lajjābhara-krāntatayātitūṣṇīṃ
> sthitā vayasyā priya-keli-vārttām
> śrotuṃ gṛhītvā cibukaṃ tadā sā
> hy aty āgrahīd ālīm atha pravaktum Bhss_2.55
> 
> priya-sakhi! mama vṛttaṃ pṛccha mā bhāgyam īdṛk
> kva nu mama kathayeyaṃ tvayy ahaṃ tān vilāsān
> dhṛtavati karam eva śyāmale kvāsa kāhaṃ
> kim iva ca karako 'sau kiṃ vyadhān na smarāmi Bhss_2.56
> 
> veṇīṃ gumphati divya-puṣpa-nicayaiḥ sīmanta-sīmany aho
> sindūraṃ nidadhāti kajjala-mayīṃ nirmāti rekhāṃ dṛśoḥ
> divyaṃ vāsayate dukūlam asakṛt tāmbūlam apy āśayed
> itthambhūta-ratiḥ sakhā tava na māṃ talpe nidhatte'ṅkataḥ Bhss_2.57
> 
> nityaṃ manmukha-sammukhaṃ mukha-vidhuṃ dhatte'nimiṣekṣaṇo
> nityaṃ manmukham eva paśyati mayaivājasra-goṣṭhī-paraḥ
> ādhāyaiva śayīta māṃ hṛdi mayaivāvartayet pārśvakaṃ
> sakhyus te sakhi! sarva-nāgara-maṇeḥ prītiḥ kathaṃ varṇyatām? Bhss_2.58
> 
> vilāsa-ceṣṭā sakhi! keśi-nāśino
> halāhalābhā pradahanti me manaḥ
> kṛntanti marmāṇi guṇā ghuṇā iva
> premā vikārī hṛdi hṛd-vraṇo yathā Bhss_2.59
> 
> no vidmaḥ kim u gauravaṃ gurukule kaulīnya-rakṣā-vidhau
> na śraddhā kim u durjanokti-garala-jvālāsu kiṃ no bhayam
> udvegādan avasthitaṃ mama manaḥ kasyāpi megha-tviṣo
> yūnaḥ śrotra-gatair ghuṇair iva guṇair antaḥ kṛtaṃ jarjaram Bhss_2.60
> 
> rādhe! yad-āsya-sarasī-ruha-gandha evam
> andhīkaroti kulajā-kulam āli! dūrāt
> tan-madhv atīva surasaṃ sarasaṃ pibantyāś
> citta-bhramas tava madād iti naiva citram Bhss_2.61
> 
> atrāntare madhurikā militātha pṛṣṭā
> tābhir jagāda madhuraṃ śṛṇutaitad ālyaḥ
> kasyaicid eva kṛtaye vrajarāja-veśma
> prāptādya kautukam aho yad uṣasy apaśyam Bhss_2.62
> 
> paurṇamāsī bhagavatī sarva-siddhi-vidhāyinī
> kāṣāya-vasanā gaurī kāśa-keśī darāyatā
> kṛṣṇaṃ draṣṭu-manās talpād udatiṣṭhad dvija-dhvanaiḥ Bhss_2.63
> 
> atha prabhāte kṛta-nitya-kṛtyā
> prītyācyutasyātivihasta-cittā
> premendu-pūrṇā kila paurṇamāsī
> tūrṇaṃ vrajendrālayam āsasāda Bhss_2.64
> 
> kṣaumaṃ vāsaḥ pṛthu-kaṭi-taṭe bibhratī sūtra-naddhaṃ
> putra-sneha-snuta-kuca-yugaṃ jāta-kampaṃ ca subhrūḥ
> rajjv-ākarṣa-śrama-bhuja-calat-kaṅkaṇau kuṇḍale ca
> svinnaṃ vaktraṃ kavara-vigalan-mālatī nirmamantha Bhss_2.65
> 
> rajani-vipariṇāme gargarīṇāṃ garīyān
> dadhi-mathana-vinodād udbhavann eṣa nādaḥ
> amara-nagara-kakṣā-cakram ākramya sadyaḥ
> smarayati sura-vṛndāny abdhi-manthotsavasya Bhss_2.66
> 
> manthānoddhṛta-gavya-vindu-nikara-vyākīrṇa-ramyāṅganaṃ
> prema-snigdha-janānvitaṃ bahu-vidhai ratnair vicitrāntaram
> kṣīrormy ucchalitaṃ mudāhi-vilasac-chayyā-prasuptācyutaṃ
> śveta-dvīpam ivālayaṃ vraja-pater vīkṣyāsa sānanditā Bhss_2.67
> 
> tām āgatām abhiprekṣya
> sākṣād iva tapaḥ-śriyam
> vraja-rajñī parābhijñā
> sthiti-jñābhyudyayau mudā Bhss_2.68
> 
> ehi bho bhagavatīti vraja-vandye
> svāgatāsi bhavatīṃ praṇamāmi
> ity udīrya savidhe praṇamantīṃ
> sā mukunda-jananīṃ parirebhe Bhss_2.69
> 
> āśīrbhir abhinandyāmūṃ
> govinda-darśanosukā
> papraccha kuśalaṃ cāsyāḥ
> sadhavātmaja-go-tateḥ Bhss_2.70
> 
> nivedya kuśalaṃ cāsyai
> tayotkaṇṭhitayā saha
> utkā śayyā-gṛhaṃ sūnoḥ
> praviveśa vrajeśvarī Bhss_2.71
> 
> ḍorī-jūṭita-vakra-keśa-pa alā sindūra-bindūllasat-
> sīmanta-dyuti-raṅga-bhūṣaṇa-vidhiṃ nātiprabhūtaṃ śritā
> govindāsya-nisṛṣṭa-sāśru-nayana-dvandvā navendīvara-
> śyāma-śyāma-rucir vicitra-sicayā goṣṭheśvarī pātu vaḥ Bhss_2.72
> 
> paryaṅke nyasya savyaṃ tad-upari nihita-svāṅgabhārātha pāṇiṃ
> kṛṣṇasyāṅgaṃ spṛśantītara-kara-kamaleneṣad-ābhugna-madhyā
> siñcanty ānanda-bāṣpaiḥ snuta-kuca-payasāṃ dhārayā cāsya talpaṃ
> vatsottiṣṭhāśu nidrāṃ tyaja mukha-kamalaṃ darśayety āha mātā Bhss_2.73
> 
> madhurikovāca-
> gāndharvike! śṛṇu yad anyad abhūd vicitraṃ
> nīlāṃśukaṃ svatanayor asi vīkṣyamāṇām
> tām āha saiva bhagavaty ayi goṣṭha-rājñi!
> rāmāmbareṇa parivartitam asya vāsa Bhss_2.74
> 
> tā aṅkagāruṇa-maṇi-pratibimba eva
> gaṇḍe vibhāti tava mādhava! śoṇa-śociḥ
> ity ukta eva sa tayā nija-pāṇinā taṃ
> sadyo jagharṣa bhavad-ādhara-rāga-bhāgam Bhss_2.75
> 
> uttiṣṭha tāta rajanīyam agād virāmaṃ
> paśyāṃśumantam udayodyamanābhirāmam
> pratyūṣa-sevana-vidhau vilasad-vilāsāḥ
> śayyālayaṃ tava viśanti kumāra-dāsāḥ Bhss_2.76
> 
> saṅkīrtayan jaya jayeti girā suvṛttas
> tvāṃ tāta jāgarayituṃ praṇayāt pravṛttaḥ
> kīras tavaiṣa nija-pāṇi-talena puṣṭaḥ
> sanmañju-vāk kanaka-pañjara-vāsa-hṛṣṭaḥ Bhss_2.77
> 
> khedas tavaiṣa śayanālasa-bhāra-mūlaḥ
> svāpaṃ jahīhi bhava jāgaraṇānukūlaḥ
> itthaṃ kareṇa mṛdunā muhur aṅgam aṅgam
> āspṛśya bāhu-yugalena tam āliliṅga Bhss_2.78
> 
> mātuḥ kalāṃ giram atipraṇayopagūhaṃ
> śrutvānubhūya ca tadaiva sa samyag ūham
> gātrāvamo ana-puraḥsara-jṛmbhaṇena
> jāgrad-daśām abhinināya kutūhalena Bhss_2.79
> 
> kālociteṣu paricāraṇa-kauśaleṣu
> gāḍhānurāga-parabhāga-nirākuleṣu
> dakṣaṃ samakṣam anuśāsya kumāra-dāsī-
> dāsaṃ vrajendra-gṛhiṇī sva-gṛhānayāsīt Bhss_2.80
> 
> tāvad gobha a-bhadrasena-subala-śrī-stokakṛṣṇārjuna-
> śrīdāmojjvala-dāma-kiṅkiṇi-sudāmādyāḥ sakhāyo gṛhāt
> āgatya tvaritā mudābhimilitāḥ śrī-sīriṇā prāṅgaṇe
> kṛṣṇottiṣṭha nijeṣṭa-goṣṭham aya bho ity āhvayantaḥ sthitāḥ Bhss_2.81
> 
> hī hī prabhātaṃ kim u bho vayasyā
> adyāpi nidrāti kathaṃ sakhā naḥ
> tad bodhayāmy enam itīrayan sva-
> talpād udasthān madhumaṅgalo 'pi Bhss_2.82
> 
> samuttiṣṭha vayasyeti
> jalpaṃs talpālayaṃ hareḥ
> nidrālasa-skhalad-yānaḥ
> prāviśan madhumaṅgalaḥ Bhss_2.83
> 
> tad-vāg-vigata-nidro 'yam
> uttiṣṭhāsur apīśvaraḥ
> utthātum īśvaro nāsīd
> ghūrṇā-pūrṇekṣaṇaḥ kṣaṇam Bhss_2.84
> 
> uttiṣṭha kuryāṃ mukha-mārjanaṃ te
> balasya vāsaḥ kim iha tvad-aṅge
> iti bruvāṇāpanināya nīlaṃ
> vāsas tad-aṅgād avadac ca sāryām Bhss_2.85
> 
> ayi bhagavati! paśyāco itaṃ me'sya sūnoḥ
> kamala-mṛdulam aṅgaṃ malla-līlāsu lolaiḥ
> khara-nakhara-śikhābhir dhātu-rāgāticitraṃ
> capala-śiśu-samūhair hā hatā kiṃ karomi? Bhss_2.86
> 
> sneha-bharaiḥ svajananyāś
> citra-padām api vāṇīm
> tām avadhārya murārir
> hrī-cakitekṣaṇa āsīt Bhss_2.87
> 
> kṛṣṇaṃ saśaṅkam āśaṅkya
> parihāsa-paṭur baṭuḥ
> sneha-klinnāntarām ambām
> avadan madhumaṅgalaḥ
> satyam amba! vayasyālī
> vāritāpi mayāniśam
> reme'nenātilubdhena
> kuñjeṣu keli-cañcalā Bhss_2.88-89
> 
> atha prakāśī-kṛta-bālya-vibhramo
> yatnāt samunmīlya vilocanaṃ muhuḥ
> paśyan puraḥ svāṃ jananīṃ hariḥ punar
> nyamīlayat sa smita-vaktra-paṅkajaḥ Bhss_2.90
> 
> ākarṇya vācaṃ vraja-rāja-patnyāḥ
> samīkṣya kṛṣṇasya ca bālya-ceṣṭām
> bhāvāntarācchādakarīṃ jananyās
> taṃ paurṇamāsī smita-pūrvam āha Bhss_2.91
> 
> sakhīnāṃ sandohair niravadhi mahākeli-tatibhiḥ
> pariśrāntas tvaṃ yat svapiṣi sumate yogyam iha tat
> anālokya tvāṃ bhos tṛṣitam api no tarṇaka-kulaṃ
> dhayaty ūdhaḥ kintu vraja-kula-pate jāgṛhi tataḥ Bhss_2.92
> 
> uttiṣṭha goṣṭheśvara-nandanārāt
> paśyāgrajo 'yaṃ saha te vayasyaiḥ
> goṣṭhaṃ pratiṣṭhāsur api pratīkṣya
> tvām aṅgane tiṣṭhati tarṇakaiś ca Bhss_2.93
> 
> sa-muṣṭi-pāṇi-dvayam unnamayya
> vimo ayan so 'tha rasālasāṅgam
> jṛmbhā-visarpad-daśanāṃśu-jālas
> tamāla-nīlaḥ śayanād udasthāt Bhss_2.94
> 
> unmīlana-pratinimīlanayor bahutve
> jāgrac-chayāna-daśayor iva miśritatve
> sā nidrayā viraha-kātarayā dhṛteva
> tasyotthitasya nayana-dvitayī dideva Bhss_2.95
> 
> kha vaika-deśe tv atha sanniviṣṭo
> vinyasta-pādābja-yugaḥ pṛthivyām
> namāmy ahaṃ tvāṃ bhagavaty ayīti
> jagāda jṛmbhodgama-gadgadaṃ saḥ Bhss_2.96
> 
> ā-pāda-śīrṣam atha pāṇi-talābhimarśe-
> nāvyādajo 'ṅghrim iti mantram udāharantī
> saṃrakṣya tūrṇam akhilāṅgam athordhva-dṛṣṭyā
> kiñcit sa-kāku-bharam arthayate sma rājñī Bhss_2.97
> 
> devādhideva! bhavataiva cirāt suto 'yaṃ
> dattaḥ sva-bandhu-jana-jīvanatām upetaḥ
> pālyo 'pi nātha! bhavataiva kṛpā-bhareṇa
> svenaiva kām apacitiṃ tava vedmi kartum Bhss_2.98
> 
> ārātrikeṇa maṇi-maṅgala-dīpa-bhājā
> vibhrājitena jita-saubhagavat samājāḥ
> ādhāya paṇi-sarasī-ruhayor mudāsya-
> nīrājanaṃ vidadhire'sya kumāra-dāsyaḥ Bhss_2.99
> 
> uṣṇīṣa-bandha-sumanojñatamottamāṅgāḥ
> pāthoja-keśara-susaurabha-sundarāṅgāḥ
> śyāmāḥ sitāś ca haritā aruṇāś ca pītā
> ye ke'pi ke'pi mahanīya-guṇaiḥ parītāḥ
> tair eva kevala-sukhānubhava-svarūpair
> naisargikānudina-divya-kumāra-rūpaiḥ
> dāsī-gaṇair api ca dāsa-gaṇair udāraiḥ
> sevā vyadhāyi vividhāsya vilola-hāraiḥ Bhss_2.100-101
> 
> paryaṅkataḥ samadhiruhya maṇī-catuṣkaṃ
> śrī-pāda-pīṭha-mahasā vilasad-vapuṣkam
> cārūpaviṣṭam atihṛṣṭa-hṛdo gṛhītvā
> cārūpacāram atha bhejur amī militvā Bhss_2.102
> 
> tair āhitāṃ karatale vinidhāya dhārāṃ
> karpūra-saurabhavatām aticāru-vārām
> gaṇḍūṣa-puram upakptas utthopajoṣaṃ
> kṛṣṇaḥ śanair abhiṣiṣeca mukhābja-koṣam Bhss_2.103
> 
> āmṛjya cāru-mṛdu-sūkṣma-balakṣa-vāsaḥ-
> khaṇḍena pāṇi-vadanaṃ nirupādhi-hāsaḥ
> tair āhitaṃ karatale mṛdu danta-kāṣṭhaṃ
> pratyagrahīn mradimaniṣṭham atho laghiṣṭham Bhss_2.104
> 
> kalpa-drumasya mṛdunā vi apena tena
> ratnāṅgulīyaka-mahobhir alaṅkṛtena
> dantāvaliṃ vihita-vīkṣaka-netra-harṣam
> ālola-kuṇḍala-yugaṃ śanakair jagharṣa Bhss_2.105
> 
> aṅguṣṭha-tarjanikayor dhṛtayā vitastyā
> jihvā-vilekhanikayā maṇi-hemamayyā
> rājan maṇīndra-valayaṃ vyalikhan manojñāṃ
> tāmbūla-rāga-parabhāgavatīṃ rasa-jñām Bhss_2.106
> 
> bhūyaḥ payobhir amalair vadanaṃ nineja
> bhūyo mamārja ca kadāpi na codviveja
> śrī-darpaṇaṃ kṛta-samarpaṇa-cañcalākṣi-
> lakṣmyā cakāra mukha-dhāvana-śuddhi-sākṣi Bhss_2.107
> 
> māṇikya-kaṅkatikayā kara-padma-koṣaṃ
> samprāptayā valaya-kaṅkati-cāru-ghoṣam
> keśa-prasādhanam athānabhisandhi-hāsī-
> bhūtānanā vyadhita kāpi kumāra-dāsī Bhss_2.108
> 
> naktantanaṃ vasanam asya nirāsya kaścid-
> vāso 'ntaraṃ suparidhāpya kalā-vipaścit
> uṣṇīṣa-bandham atha mūrdhni babandha pādau
> prakṣālya vārbhir abhimṛjya ca vāsarādau Bhss_2.109
> 
> gā dogdhum uddhura-dhiyo 'pi vṛthodyamās te
> gopā babhūvur atha tarṇaka-maṇḍalāś ca
> cūṣanta eva na payaḥ kaṇa-mātram āsām
> āpīnato 'dya yad avāpurato viṣeduḥ Bhss_2.110
> 
> gāvas tavādhvani dhṛtāśru-bhṛtākṣi-yugmā
> na prasravanty apagatān na lihanti vatsān
> hambādhvani-dhvanita-dig-valayā vilambaṃ
> soḍhuṃ darāpi na hi samprati śaknuvanti Bhss_2.111
> 
> ity eva kenacid upetya sa goduhokto
> mātṛr nijāsya-dara-hāsya-sudhābhiṣekaiḥ
> svānanda-śaṃsibhir asau sukhayan mukhābjaṃ
> tāmbūla-rañjitam alaṃ kalayann udasthāt Bhss_2.112
> 
> dohaṃ samāpya balabhadra! sahānujas tvaṃ
> mallājiraṃ vrajasi cet kuru mā vilambam
> nirmañcanaṃ tava bhaje kṣaṇa-mātreva
> sārdhaṃ vihṛtya sakhibhir drutam ehi bhoktum Bhss_2.113
> 
> śrutveti mātṛ-giram āha harir na mātaḥ
> pratyeṣi māṃ yad amum eva vadasy athaivam
> śiṣṭo 'graṇīḥ punar amīṣv aham eka eva
> no ced amuṣya vaśatāṃ kim uri kariṣye? Bhss_2.114
> 
> śiṣṭo yathā tvam asi vatsa! nijātibālyam
> ārabhya tat khalu vidanty akhilāḥ purandhryaḥ
> yāḥ svālayāpacaya-vedanayā purāsāṃ
> phut-kartum āpur iha no katidheti soce Bhss_2.115
> 
> saudāminī-tati-vibhā-jayi-dāmanī-dyud
> vibhrāji-savya-kara-korakitāravindaḥ
> sa grāhita-pramita-kānaka-dohanīko
> mātrā tayā sakhi! rayād adhikaṃ vireje Bhss_2.116
> 
> stambe-rama-vraja-viḍambi-vilambi-pāda-
> vinyāsa-jhañjhana-jhaṇat-kṛta-kiṅkiṇīkaḥ
> lolālakāli-maṇi-kuṇḍala-kānti-veṇī-
> vīcī-bhara-snapita-vaktra-sudhāṃśu-bimbaḥ Bhss_2.117
> 
> pītottarīya-capalelita-keli-nṛtya-
> rājad-ghanāṅga-kiraṇocchalanocchrita-śrīḥ
> preṅkhola-hāra-paridhi-śrita-kaustubhodyad-
> bhānuḥ svanac-caraṇa-bhūṣaṇa-cumbi-dāmā Bhss_2.118
> 
> niṣkramya ramya-purataḥ purato 'bhigacchan
> yacchan mudaṃ svajananī-jana-locanebhyaḥ
> dāsaiḥ pradhāritam avārita-rocir aśnaṃ
> tāmbūla-pulakam avāpa sa gopurāgram Bhss_2.119
> 
> tad-bāhya-kuṭṭima-ta īm avalambamānaḥ
> kā kutra kiṃ kuruta ity anusandadhānaḥ
> vyāpārayan nayanam a a-ghaṭāsu narma-
> preṣṭhair miladbhir abhitaḥ sa rarāja mitraiḥ Bhss_2.120
> 
> tan nirmitānupada-karṇa-kathā-rasajña-
> syāsyāmbuje kim api yat-smitam udbabhūva
> tasyārtha-jātam api kiṃ vivarītum īśe
> ceto 'lir eva tava sakhy anusandadhātu Bhss_2.121
> 
> uṣṇīṣa-vakrima-mahāmadhurimṇi tasya
> tātkālike kila na kasya mano nyamāṅkṣīt
> tatraiva śekharita-kānaka-sūtra-jāla-
> rājan-maṇi-dyuti-bharāḥ kim u varṇanīyāḥ Bhss_2.122
> 
> taiḥ saurabhaiḥ prasṛmarair anu nūpurādi-
> dhvānair balena valabhīm adhirohitābhiḥ
> gośāla-vartmani calal lalanāvalībhir
> netrāmbujaiḥ sa katidhā nahi pūjyate sma Bhss_2.123
> 
> tat-tad-vilāsa-balitā suṣamā-rasālā
> preṣṭhasya sā madhurikā pariveśyamānā
> vaiśleṣika-jvaram aśīśamad apy athāsyās
> tene ca taṃ śata-guṇaṃ tṛṣam edhayantī Bhss_2.124
> 
> harṣonnatiḥ stimitatāṃ śravasor vyatānīt
> tarṣottha-saṃjvarabharas tu dṛśor viveśa
> ākasmikī nirupamā prativeśi-sampat
> tāpaṃ tanoti sahavāsa-bhṛtāṃ sadaiva Bhss_2.125
> 
> prāhānurāga-parabhāgavatī tataḥ sā
> tā eva cāru-mukhi! dhanyatamā ramaṇyaḥ
> yāḥ khelayanti satataṃ sudṛśas tadīya-
> lāvaṇya-keli-jaladhau kala-dhauta-gātryaḥ Bhss_2.126
> 
> janmaiva hanta kim abhūn mama gokule'smiṃs
> tan mādhurīṃ na yad urī-kurute kadāpi
> tat śyāmale'ticapale hṛdi leśa-mātrī
> no sambhaved iha bhave dhṛtir ity avehi Bhss_2.127
> 
> śyāmāha yāmi! lalite! śṛṇu yāmi gehaṃ
> sampraty amūṃ prati mamāstu girāṃ virāmaḥ
> tvaṃ padminīṃ vraja-purandara-sadmanīmāṃ
> kṛṣṇekṣaṇālini samarpaya baddha-tṛṣṇe Bhss_2.128
> 
> priya-viraha-vihastā srasta-dhīḥ sā tadānīṃ
> kṣaṇam api yuga-kalpaṃ kalpayantī babhūva
> yad akhilam api kṛtyaṃ kāritā kiṅkarībhiḥ
> samaya-vihitam eko 'bhyāsa evātra hetuḥ Bhss_2.129
> 
> atha nikhila-sakhīnāṃ svālibhiḥ snāpitānāṃ
> dhṛta-samucita-vastrālaṅkṛtīnāṃ tatiḥ sā
> mathita-śarad-udañcac-candrikā-sindhu-jātāṃ
> śriyam api nija-pādāmbhoja-bhāsā vijigye Bhss_2.130
> 
> kācin maṇīndramayam āsanam ājahāra
> śrī-pāda-pīṭham aparā tad adho dadhāra
> kāpy ānayad vadana-dhāvana-bhājanāni
> kāpy ādadhe daśana-śodhana-sādhanāni Bhss_2.131
> 
> utthāya talpa-talataḥ kanakāsana-sthā
> nidrāvasāna-vigalan-niyata-vyavasthā
> sā pāda-pīṭham adhi datta-padāravindā
> babhrāja sat-parijanair vihitābhinandā Bhss_2.132
> 
> bhṛṅgāra-nāla-śikhareṇa samarpitābhiḥ
> sandhāya vaktra-vivare culukī-kṛtābhiḥ
> tat-saurabhasya rabhasādhika-saurabhābhiḥ
> śrī-pāṇi-padma-tala-saṅgama-lohitābhiḥ
> nikṣepaṇe priya-sakhī-karayoḥ kṛtābhiḥ
> karpūra-pūra-rajasā'bhisuvāsitābhiḥ!
> vyāptālibhiḥ sakala-keli-kalā-suhṛdbhiḥ
> sā sādhu śodhitavatī mukha-padmamadbhiḥ Bhss_2.133-134
> 
> kara-talād asakṛc-culukī-kṛtaṃ
> salilam ā-rada-tālv anu cālitam
> cala-kapola-yugonnati-mañjula-
> dhvani-bhṛtaṃ nibhṛtaṃ kṣipati sma sā Bhss_2.135
> 
> visṛmarān alakān kiratī śirasy
> upari savya-karāṅguli-ghaṭ anaiḥ
> alika-gaṇḍa-dṛg-ādy atha sāmita-
> dyutim itaṃ timitaṃ trir adīdhavat Bhss_2.136
> 
> vi apikāṃ dyutaros tata-rociṣaṃ
> rada-hitāṃ nihitāṃ sva-vayasyayā
> mukulitāmbujatāṃ bhajatāñjasā
> mṛdutareṇa kareṇa sudṛg dadhe Bhss_2.137
> 
> pratisarodita-dolanam asvanad-
> valayam uccala-kuṇḍalam etayā
> vyadhita sā mṛjatī radanāṃś chaviṃ
> kaṇavad ucchalitāṃ lalitāṃ śritān Bhss_2.138
> 
> atha dadhe sudatī dhanur-ākṛtiṃ
> maṇimayīṃ rasanā-pariṇejinīm
> mṛdula-pāṇi-yugāṅguli-yugmakāṃ
> sahacarī-karato 'dara-toṣataḥ Bhss_2.139
> 
> navadalopamitāṃ rasanāṃ mṛjaty
> atha tayā nata-kampita-mastakam
> mukham iyaṃ skhalitair alakair vṛtaṃ
> vidadhatī dadhatī smitam ābabhau Bhss_2.140
> 
> niraṇijad bahir-antaram apy araṃ
> mukha-vidhor atha dhauta-kara-dvayā
> parijanārpita-mañjula-vāsasā
> jala-kaṇāpanayaṃ sanayaṃ vyadhāt Bhss_2.141
> 
> sahacarī-vidhṛte maṇi-darpaṇe
> tad-abhinandana-sākṣiṇi vīkṣya sā
> smita-sudhābhir adhāvayad ānanaṃ
> priyatama-kṣaṇa-lakṣaṇa-lakṣakam Bhss_2.142
> 
> tasya dohādikāṃ kriyāṃ
> dṛṣṭāgatā kalāvatī
> jagādātha tad-abhyarṇe
> paramollāsa-saṃyutā Bhss_2.143
> 
> gopālo 'pi sva-gośālaṃ
> sarāma-madhumaṅgalaḥ
> sakāvya-gīṣpatiḥ sāyaṃ
> śaśī-vāmbaram āviśat Bhss_2.144
> 
> dadhāra dyuṣadāṃ rāmo
> dhavalāvali-veṣṭitaḥ
> kailāsa-gaṇḍa-śailālī-
> madhyasthairāvata-bhramam Bhss_2.145
> 
> madhye'cyuto 'ñcan dhavalāvalīnām
> udānanānāṃ paritaḥ sthitānām
> dadhau janānāṃ sphū a-puṇḍarīka-
> śreṇy-antar-añcad-bhramara-bhramaṃ saḥ Bhss_2.146
> 
> hihī gaṅge! godāvari! śabali! kālindi! dhavale!
> hihī dhūmre! tūṅgi! bhramari! yamune! haṃsi! kamale!
> hihī rambhe! campe! kariṇi! hariṇīti vraja-vidhur
> muhur nāma-grāhaṃ nikhila-surabhīr āhvayad asau Bhss_2.147
> 
> nyastāṅgaḥ prapadopari praghaṭayan jānu-dvaye dohanīṃ
> kāścid dogdhi payaḥ svayaṃ tv atha parāḥ svair dohayaty unmukhīḥ
> anyāḥ pāyayati svatarṇaka-gaṇān kaṇḍūyanaiḥ prīṇayann
> itthaṃ nanda-sutaḥ prage svasurabhīr ānandayan nandati Bhss_2.148
> 
> pādāgre kṛta-pādukaṃ trika-samullāsollasat-pārṣṇikaṃ
> madhye nyasya ghaṭīṃ pa onnam anataḥ prodyat tviṣor jānunoḥ
> gotunda-vyatiṣaṅga-sundara-dara-kṣobha-ślathoṣṇīṣakaṃ
> pāṇibhyāṃ krama-kuḍmalāṅguli-pu aṃ gāṃ dogdhi dugdhaṃ hariḥ Bhss_2.149
> 
> vatsād apy adhika-priyo bhagavataḥ pāṇy-ambuja-sparśana-
> sneha-srāvi-payaḥ-payodhara-pu ā gaur duhyamānā svayam
> dhārābhiḥ sugabhīra-ghoṣa-gahanam āpūrya sā dohanīṃ
> dohany antaram eti yāvad avanīṃ tāvat samāpupluvat Bhss_2.150
> 
> aṅguṣṭhāgrima-yantritāṅgulir asau pādārddha-nīruddha-bhūr
> āpīnāñcala-mardayann iha puro dvitraiḥ payo-bindhubhiḥ
> nyag-jānu-dvaya-madhya-yantrita-ghaṭī-vaktrāntare praskhalad-
> dhārā-dhvāna-manoharaṃ sakhi! payo gāṃ dogdhi dāmodaraḥ Bhss_2.151
> 
> śṛṇvantīṃ bhāva-vaivaśyād
> vismṛta-snāpana-kriyām
> lavaṅga-mañjarī sadyo
> juhāva vyagra-mānasā Bhss_2.152
> 
> tatra kāñcanamaye mṛdu-pīṭhe
> cīna-cela-pihite viniviṣṭām
> sevane parijanā nipuṇā drāk
> tām upāyana-karāḥ parivavruḥ Bhss_2.153
> 
> sāvātārayad-ābharaṇa-nicayaṃ
> lalitā svasakhī-tanutaḥ sadayam
> kanaka-vratater iva sapraṇayaṃ
> pallava-kusuma-stavaka-pracayam Bhss_2.154
> 
> āmṛjya cela-śakalena tanūttamena
> sarvāṅgam aṅkitam anaṅga-raṇāṅkakena
> abhyaṅga-saṅgi-vasanaṃ paridhāpya naktaṃ
> vāso 'bhyamūmucad anuttama-gandha-yuktam Bhss_2.155
> 
> ākṛṣya mugdham avaguṇṭhanam uttamāṅgād
> unmocya kuntala-tatīḥ sughanottamāṅgāḥ
> ratna-prasādhanikayā cala-kaṅkaṇāliḥ
> saprema sādaram aśūśudhad uttamāliḥ Bhss_2.156
> 
> prakṣālya pāda-yugalaṃ mukuraṃ purastād
> ādarśya kācana kalā-kuśalatva-śastā
> tailena satsurabhiṇā lasatāruṇimnā-
> bhyānañja kañja-vadanāṃ praṇayena bhūmnā Bhss_2.157
> 
> aṅgād yato yata udasyati cāru-celaṃ
> tat-tan-nirīkṣya hriyam ṛcchati sānuvelam
> tenāktam aktam avadhāya sakhīyam aṅgaṃ
> tasyāḥ pyadhāt tad-akhilaṃ kṛta-hrī-vibhaṅgam Bhss_2.158
> 
> abhyajya rajyad-atiśuddha-hṛdo vayasyā
> āpāda-mūrdha-kṛta-mardanam aṅgam asyāḥ
> udvartanaṃ vidadhire ghanasāra-pūrṇaiḥ
> kastūrikā-ghusṛṇa-candana-cāru-cūrṇaiḥ Bhss_2.159
> 
> gandhānubandhi-vimalāmalakī-kaṣāyaiḥ
> keśān vighṛṣya katamā vividhair upāyaiḥ
> bhṛṅgāra-nāla-galitair lalitaiḥ kabandhair
> ukṣāṃ cakāra sahaja-praṇayānubandhaiḥ Bhss_2.160
> 
> kālocitena ghanasāra-suvāsitena
> nānā-maṇīśvara-ghaṭī-ghaṭayā bhṛtena
> dvābhyāṃ śanair ubhayataḥ pratipāditena
> dve pārśvayoḥ siṣicatuḥ sumukhīṃ jalena Bhss_2.161
> 
> saṃveṣṭya cāru-cikurān sicayena bāḍhaṃ
> niṣpīḍya bhūri galad-ambu nigālya gāḍham
> bhūyaḥ prasārya calad-aṅgulibhir vikīrya
> bhūyo babandha katamā sicayaṃ vitīrya Bhss_2.162
> 
> kācin mukhendum aparā gala-mūlam anyā
> karṇau mamārja mṛdunā vasanena dhanyā
> vakṣo visāri katamā katamā ca pṛṣṭhaṃ
> bāhu-dvayaṃ ca katamā suṣamā-variṣṭham Bhss_2.163
> 
> saṃveṣṭya śuṣka-vasanena nirāsanīyaṃ
> śroṇyā jahāra vigalaj-jalam antarīyam
> āmṛjya pāṇi-yugalena śanair udāram
> arddhorukaṃ kaṭi-taṭe ghaṭayāṃ cakāra Bhss_2.164
> 
> āmṛṣṭayor vara-payodharayor alolaṃ
> kācit kalāsu kuśalātha babandha colam
> pa āṃśukena racitaṃ sva-sakhī-janena
> nānā-vidhātiśaya-śilpa-viśāradena Bhss_2.165
> 
> tasyopari pratanu śoṇataraṃ suvīci-
> caṇḍātakād udayad uccala-sanmarīci
> śrī-pāda-padma-nakha-candra-cayāgra-cumbi
> celaṃ babandha tapanīya-guṇānubandhi Bhss_2.166
> 
> lamba-pralamba-yugalena supaṭṭa-dāmnā
> muktā-maṇīndra-mahasā vilasad-garimṇā
> ākuñcana-krama-vaśāt kamalānukārāṃ
> jagrantha nīvim abhinābhi suśilpa-sārām Bhss_2.167
> 
> kanaka-bindumatī nava-śā ikā
> ghana-rucis tad-upary atididyute
> yad-abhiveṣṭanam eva mukunda-dṛṅ
> niranurodhana-rodhanam ucyate Bhss_2.168
> 
> ārohya tām atha mahāmaṇi-pīṭha-pṛṣṭhe
> vistāritātimṛdu-cela-kṛta-pratiṣṭhe
> prakṣālya pāda-kamala-dvitayaṃ satoṣāḥ
> sakhyo vyadhur vividha-maṅgala-veṣa-bhūṣāḥ Bhss_2.169
> 
> bhūyaḥ prasārya bahuśo bahuśaḥ prasādhya
> ratna-prasādha-nikayāṅgulibhir viśodhya
> kālāguru-prabhava-dhūpa-dhurā-pracāram
> ālī-janaḥ kaca-bharaṃ surabhī-cakāra Bhss_2.170
> 
> snānād ṛjuṃ sad-alakālim arālayitvā
> kastūrikābhir alike tilakaṃ likhitvā
> sindūra-bindu-rucire'kṛta bālapāśyāṃ
> sīmanta-sīmani maṇīndra-mayūkha-rasyām Bhss_2.171
> 
> kastūrī-patravallī-samudaya-khacitaṃ pārśvayor ākapolaṃ
> bhāle śrīkhaṇḍa-bindūtkara-vṛtam abhitaḥ kāma-yantrābhidhānam
> antaḥ kastūrikodyan-malayaja-śaśabhṛl-lekhayādhaścitaṃ sā
> cakre sīmanta-rekhānvitam atha tilakaṃ sāndra-sindūra-paṅkaiḥ Bhss_2.172
> 
> maulau babandha katamā sumaṇi-pravekaṃ
> sanmālatī-kusuma-garbhaka-kānti-sekam
> dhammillam ullasita-lohita-paṭṭa-dāmnā
> lamba-pralamba-yugalena maṇīndra-dhāmnā Bhss_2.173
> 
> sūkṣmordhva-randhra-gata-hema-śalākikāyā
> mūlāgra-saṅga-lalite vidadhe sukāyā
> śrī-cakrikā-bakulike śruti-madhya-deśe
> ratna-prabhā-bhara-dhurā vihitopadeśe Bhss_2.174
> 
> muktākalāpa-kalayā lalita-prakāśyāṃ
> kācid vyadhād alaka-sīmani patrapāśyām
> kācin maṇīndramaya-kuṇḍalam atyudāram
> ekaikaśaḥ śruti-yuge ghaṭayāṃ cakāra Bhss_2.175
> 
> kācid vibhūṣya nayane dalitāñjanena
> smārau śarāv iva nighṛṣṭa-rasāñjanena
> nāsāpasavya-pu ake vitatāra muktāṃ
> netrāñjanādhara-vibhā-bhara-nīla-raktām Bhss_2.176
> 
> makarike likhatī mṛdu-gaṇḍayor
> makara-ketanam āhvayad eva sā
> yam adharāruṇa-pallavam arpayan
> rasamaye samaye harir arcayet Bhss_2.177
> 
> rucira-cibuka-madhye ratna-rājac-chalākā-
> kalita-kara-viśākhā-nirmito 'syāś cakāsti
> nava-mṛga-mada-binduḥ śobhayan śrī-mukhenduṃ
> bhramara iva dalāgre sanniviṣṭaḥ sarojam Bhss_2.178
> 
> karpūrāguru-kāśmīra-
> paṅka-miśrita-candanaiḥ
> samālipya viśākhā'syāḥ
> pṛṣṭhaṃ bāhu-kucāv uraḥ Bhss_2.179
> 
> puṣpa-gucchendulekhābja-
> makarī-cūta-pallavam
> lilekha citraṃ kastūryā
> citrā tat-kucayos taṭe Bhss_2.180
> 
> mīnī-prasūna-nava-pallava-candralekhā-
> vyājāt svacihna-śara-kunta-dhanūṃṣi kāmaḥ
> tad-bhrū-dhanur-dhuvana-mātra-nirasta-karmā
> manye nyadhatta nija-tat-kuca-koṣa-gehe Bhss_2.181
> 
> citrārpitāneka-vicitra-ratna-
> muktācitā rakta-dukūla-colī
> kucau bha-jālendra-dhanur-vicitrā
> tastāra śailāv iva sāndhya-kāntiḥ Bhss_2.182
> 
> upari khacita-nānā-ratna-jālaiḥ sphuranta
> vimala-pura a-patryā kaṇṭham asyā viśākhā
> hari-kara-dara-cihna-śrī-haraṃ puṣkarākṣyāḥ
> sapadi hari-bhiyeva chādayāmāsa madhye
> vajrācitākhaṇḍala-ratna-citra-
> susthūla-madhyo guṇa-baddha-cañcuḥ
> lalāsa tasyā upakaṇṭha-kūpaṃ
> dattas tayā hā aka-citra-haṃsaḥ Bhss_2.183-184
> 
> suvarṇa-golī-yuga-madhyagollasan
> masāra-golī-gilito 'ntarāntarā
> susūkṣma-muktāvali-gumphitas tayā
> nyayoji hāro hṛdi gostanābhidhaḥ Bhss_2.185
> 
> masāra-candropala-padmarāga-
> suvarṇa-golī-grathitāntarālaiḥ
> muktā-pravālaiḥ parigumphitāṃ sā
> ratna-srajaṃ tad-dhṛdaye yuyoja Bhss_2.186
> 
> vaidūrya-yugmācita-hema-dhātrikā-
> bījā-bha-golī-gilito 'ntarāntarā
> vicitra-muktāvali-citra-gucchako
> rarāja tasyā hṛdaye'rpitas tayā Bhss_2.187
> 
> rāse niśīthe saha-nṛtya-gāna-
> tuṣṭena dattāṃ hariṇā svakaṇṭhāt
> tasyaiva sākṣād iva rāja-lakṣmīṃ
> guñjāvalīṃ tad-dhṛdi sā yuyoja Bhss_2.188
> 
> sthūla-tārāvalī-ramyā
> san-nāyaka-vibhūṣitā
> tasyā ekāvalī-jyotsnī
> hṛd-ambaram amaṇḍayat Bhss_2.189
> 
> kanaka-khacita-vajrair veṣṭitaiḥ padmarāgaiś
> cita-harimaṇi-pūrṇābhyantarā śātakaumbhī
> pratanu-pura a-rājac-chṛṅkhalālambamānā
> lasati hṛdi viśākhā-yojitāsyāś catuṣkī Bhss_2.190
> 
> ālī-janair maṇḍana-keli-kāle
> vibhūṣyamāṇā vṛṣabhānu-putrī
> urogate nīlamaṇīndra-hāre
> svinnā sakampā pulakākulāsīt Bhss_2.191
> 
> pṛṣṭhāntaḥ krama-lambamānam amalaṃ grīvānta-hārāvalī-
> vī ī-bandhana-paṭṭa-sūtra-camarī-jālaṃ tadāsyā babhau
> manye cāru-nitamba-śailaka akān mūrdhnādhirohārthakaṃ
> sopānaṃ vidhinā kṛtaṃ karuṇayā veṇī-bhujaṅgyāḥ sphuṭam Bhss_2.192
> 
> madhye-pragaṇḍam atulāṅgadam-unmaṇīni
> madhye-prakoṣṭham atulāni ca kaṅkaṇāni
> tat-sīmni kāpya-kṛta maṅgala-paṭṭa-sūtraṃ
> ratna-prakāśi maṇi-bandha-rucāticitram Bhss_2.193
> 
> muktāvalī-khacita-hā aka-kaṅkaṇābhyāṃ
> saṃveṣṭitaḥ sa valayāvali-sanniveśaḥ
> bimbair-vidhor-milita-bhāskara-maṇḍalābhyāṃ
> tasyāś cakāsti nitarām iva saiṃhikeyaḥ Bhss_2.194
> 
> nija-nāmāṅkitā nānā-
> ratna-dyuti-karambitā
> babhāv aṅguli-mudrāsyā
> vipakṣa-mada-mardanī Bhss_2.195
> 
> tundāntike maṇi-vinirmita-tunda-bandhaṃ
> kāñcī-guṇaṃ ca tad adho maṇi-vṛnda-bandham
> pādāṅgulīṣu vara-ratnamayormikālīm
> ā-gulpham ādhṛta suhaṃsaka-yugmam ālī Bhss_2.196
> 
> nakha-śikhāṅghritalādy uru-śoṇimāpy
> ahaha yāvaka-rañjitatām agāt
> bhavati kiṃ dara-dīpaja-rociṣā
> dina-kṛto na kṛto manujair mahaḥ Bhss_2.197
> 
> anyā kācid āha-
> vṛthā'kṛthā yāvakam aṅghri-paṅkaje
> sva eva rāgo 'sya dṛśāṃ rasāyanaḥ |
> kintv eka evāsti guṇo 'sya rādhike
> yaḥ keśavasyāpi ca keśa-rañjanaḥ || Bhss_2.198
> 
> mañjīra-yugmam atimañjula-ratna-siddhaṃ
> pādāmbujopari cakāra ca kāpi baddham
> tat-tat-svaśilpa-kuśalatva-nidarśanāya
> kācin maṇīndra-mukuraṃ purato nināya Bhss_2.199
> 
> asyā nyadhād uṣasi narmadayā svasakhyā
> mālākṛtas tanujayopahṛtaṃ viśākhā
> smerāravinda-vadanātha karāravinde
> līlāravindam aravinda-vilocanāyāḥ Bhss_2.200
> 
> sā kṛṣṇa-netra-kutukocita-rūpa-veśaṃ
> varṣmāvalokya mukure pratibimbitaṃ svam
> kṛṣṇopasatti-taralāsa varāṅganānāṃ
> kāntāvalokana-phalo hi viśeṣa-veṣaḥ Bhss_2.201
> 
> malla-līlādikaṃ tasya
> tan-madhye sakhibhiḥ saha
> vilokyaiva hiraṇyāṅgī
> tām āyātāvadad drutam Bhss_2.202
> 
> godohanād atha viramya sa ramya-līlaiḥ
> sārdhaṃ nija-priya-sakhaiḥ svasamāna-śīlaiḥ
> abhyāyayau kutuka-malla-vilāsa-nityā-
> bhyāsālayaṃ maṇimayaṃ sakalaikamatyā Bhss_2.203
> 
> pratyekam eva sakhibhiḥ savayobhir etair
> malla-kriyām atha bhujābhuji vīta-bhītaiḥ
> svasvaujasaḥ prakaṭanena saroṣa-darpaiś
> cakre'pasarpa-parisarpa-visarpa-sarpaiḥ Bhss_2.204
> 
> viśramya kiñcid atha sañcita-puṇya-vṛndais
> tair eva kaiścana mahāguṇa-vṛkṣa-kandaiḥ
> abhyañjanārtham anurañjana-mañju-hāsair
> abhyaṅga-maṅgala-gṛhaṃ praviveśa dāsaiḥ Bhss_2.205
> 
> nānā-prabandha-bahubandha-vidhau vidagdhair
> abhyaṅga-maṅgala-viśeṣa-kalāsu mugdhaiḥ
> tailena sādhu śubha-gandha-subāndhavena
> prārambhi yat tad urarīkṛtam apy anena Bhss_2.206
> 
> āpāda-mastakam anasta-samasta-bhāgyais
> tailena taiḥ priya-samāja-sabhāja-yogyaiḥ
> nātiślathaṃ ca na dṛḍhaṃ ca sumaṅgalāni
> prītyā ciraṃ mamṛdire'tha tad aṅgakāni Bhss_2.207
> 
> te kauṅkumena rajasā ghanasāra-cūrṇaiḥ
> pūrṇena cāru-mṛdunā paripeṣa-śīrṇaiḥ
> vimlāna-bhāvam atha taila-kṛtaṃ harantaḥ
> kṛṣṇasya tān avayavān udavartayanta Bhss_2.208
> 
> kenocitena ghanasāra-suvāsitena
> nānāvidha-sphaṭika-hema-ghaṭī-bhṛtena!
> keśān kaṣāya-kaṣitān kalayan kumāra-
> dāsī-gaṇo 'mbuja-dṛśaṃ snāpayāṃ cakāra Bhss_2.209
> 
> kācit kaṣāyita-kacān bahuśaḥ kaṣantī
> kācin mṛdūn avayavān mṛdu mārjayantī
> bhṛṅgārakeṇa katamā salilaṃ kirantī
> lebhetarām atitarām anurāga-kāntī Bhss_2.210
> 
> jyotsnābhir nava-nīradaḥ kim athavā śuklena nīlo guṇaḥ
> śuddha-sphaṭika-ratna-kānti-salilaiḥ kiṃ vendranīlāṅkuraḥ
> muktābhiḥ kim u vā tamāla-taruṇaḥ snātaḥ samudbhrājate
> kiṃ vā śyāma-sarojam ujjvala-vidhukṣodair murārer vapuḥ Bhss_2.211
> 
> evaṃ samāpya katame snapanaṃ śubhena
> śaṅkhodakena śirasi pratipāditena
> aṅgoñchanāṃśukam anekam athopanīya
> saṃmārjanaṃ vidadhur asya bhṛśaṃ vinīya Bhss_2.212
> 
> ādau sucela-śakalair mṛdulair aśuṣkaiḥ
> paścāt krameṇa mamṛjuḥ sita-sūkṣma-śuṣkaiḥ
> āpāda-kuntala-bharam pratisandhi-sandhi
> te mārjanaṃ vidadhire praṇayānubandhi Bhss_2.213
> 
> kaścit kacān gata-jalān dvividhena vāsaḥ-
> khaṇḍena sādhu vidadhe mṛdu-manda-hāsaḥ
> kaścit paṭuḥ kaṭita ād galad ambu-celaṃ
> celāntareṇa vinināya kṛtāvahelam Bhss_2.214
> 
> kenāpi nūtanam atitvarayopanītaṃ
> kauṣeya-cela-yugalaṃ druta-hema-pītam
> kenāpi pāṇi-kamale kramataḥ pradattam
> utsārya pūrva-paṭam āśu sa paryadhatta Bhss_2.215
> 
> tasyāsthitasya ramaṇīya-maṇī-catuṣkaṃ
> prakṣālitāṅghri-kamalasya lasad-vapuṣkam
> paścād-gatena katamena kumāra-bhṛtye-
> nāsevi kuntala-bharaḥ kuśalena kṛtye Bhss_2.216
> 
> bhūyaḥ prasārya parimṛjya muhuḥ prasādhya
> ratna-prasādhanikayā bahuśo viśodhya
> āvṛtya cela-śakalena satā dviphāla-
> baddhaḥ sa kuntala-bharaḥ prabhayā paphāla Bhss_2.217
> 
> anyonya-pālana-kṛtā kaca-mecakimnā
> sūkṣmātisūkṣma-vasanasya ca pāṇḍarimṇā
> nirmoka-moka-parabhogi-nibho 'sya keśa-
> vinyāsa eṣa na hi kasya dṛśor viveśa Bhss_2.218
> 
> snānād-ṛjūn sad-alakān atha kuñcayitvā
> cāru-svabhāva-ku ilān api rañjayitvā
> bhāle lilekha tilakaṃ śaśi-maṇḍalābhaṃ
> śrīkhaṇḍa-kuṅkuma-rasena sujāta-śobham Bhss_2.219
> 
> gārutmatendramaṇi-hīraka-padmarāga-
> pradyotanaṃ vidhurayantyam ivāpy anāgaḥ
> anya-prabhāva-raṇakāri-mayūkha-sāndraṃ
> śrī-kaustubhābhidham adhatta mahā-maṇīndram Bhss_2.220
> 
> sthūlena mauktika-phala-prakareṇa kptān
> hārān dadhāra gir-agocaratām avāptān
> kañcid viśālatara-vakṣasi nābhikūle
> kañcit pralambam atha kañcana jānu-mūle Bhss_2.221
> 
> śrī-kuṇḍale maṇimaye makarānukāre
> kānti-prabhākṛta-kapola-mahaḥ-pracāre
> śrī-karṇayor upanināya jaloparuddhe
> snānotsavena virahayya sa pūrva-siddhe Bhss_2.222
> 
> sat-paṭṭa-sūtra-kṛta-mañjutara-pralambau
> sad-ratna-paṭṭamaya-maṅgala-sūtra-cumbau
> gārutmatādi-nava-ratnaja-bāhu-bandhau
> kaścid babandha valayau maṇi-bandha-sandhau Bhss_2.223
> 
> divyāṅgulīyakam udāram anāmikāyāṃ
> tat-padmarāga-mahasāṃ pariṇāmikāyām
> pṛṣṭhopasanna-maṇimudram avarjanīyaṃ
> datte sma kaścid adhi-tarjani rañjanīyam Bhss_2.224
> 
> nānā-maṇīndra-ghaṭayā ghaṭitānubandhaṃ
> pītāṃśukodara-ta īm anu tunda-bandham
> māṇikya-kiṅkiṇi-guṇaṃ ca ka īra-mūle
> kaścid babandha paridhatta-lasad-dukūle Bhss_2.225
> 
> pādāmbujopari maṇīndra-ghaṭānukptaṃ
> mañjīra-yugmakam atho nakha-candra-dīptam
> ādhāya ko 'pi maṇi-darpaṇam atyudāram
> āsyendu-bimbam adhi saspṛham ādadhāra Bhss_2.226
> 
> atrāntare vraja-purandara-sannideśam
> ādāya kaścana tad asya gṛhaṃ viveśa
> ūce ca kṛṣṇa! janakasya girā bahubhyas
> tvaṃ dātum arhasi gavām ayutaṃ dvijebhyaḥ Bhss_2.227
> 
> śrutvā pitur giram asau cikuraṃ nibadhya
> pītottarīyam api samyag atho viśodhya
> ācamya ramya-vadano guṇa-ratna-sānū
> rāmānujaḥ sīvamanasā vitatāra dhenūḥ Bhss_2.228
> 
> goṣṭheśvarīpsitatamo rasavat-prapākaḥ
> sampādito bhavati yāvad aneka-pākaḥ
> tāvan na soḍhum abhiśaktavatī vilambaṃ
> sā prāhiṇot kim api bhoktum athāvilambam Bhss_2.229
> 
> haiyaṅgavīna-dadhi-dugdha-sarādi-bhakṣyam
> etat sameta-ghanasāra-rajo 'bhibhakṣya
> ācamya ca priya-sakhāṃsa-kṛtāvalambas
> tāmbūlamāda madhurānana-candra-bimbaḥ Bhss_2.230
> 
> niśamyemāṃ vārttāṃ pramuditavatī sīdhu-sadṛśīṃ
> svayaṃ paktvā yan no tad-aśanam asau kāritavatī
> viṣaṇṇā bāṣpāṇāṃ hima-mihikā-bindu-nikaraṃ
> mumocevākṣibhyāṃ jalaja-yugataḥ śīkara-kaṇam Bhss_2.231
> 
> atrāntare vrajapurādhipayā'napāya-
> vātsalya-kalpa-latayā'tirayān nirdiṣṭā
> āgatya kundalatikāntim etad akṣi-
> bhṛṅga-pramoda-kṛtaye kṛtinī vyarājīt Bhss_2.232
> 
> anyonya-darśana-samudgamana-smitāḍhya-
> śastānuyoga-rabhasonnati-sīdhu-vṛṣṭiḥ
> sadyo babhūva yata eva tadā tad-āli-
> vṛndaṃ nananda sama-sauhṛda-hṛdya-rociḥ Bhss_2.233
> 
> vrajapura-parameśvarī-prasādaṃ
> mayi sakhi! vyakti tavodayo hy akasmāt
> na śiśira-rucinā vinaiva pūrvāṃ
> diśam adhi rātri sameti kāpi lakṣmīḥ Bhss_2.234
> 
> tad aham anumime nideśa-dambhāt
> kim api kṛpāmṛtam eva sā vyatārīt
> yad idam anupalabhya yan mamātmā
> svam api sakhedam avaity anātmanīnam Bhss_2.235
> 
> ajani rasavatī-vidhāpanārthā
> rasavati! te gatir ity avaimi nūnam
> atha kim itarathā javād ayāsīḥ
> prathamato 'nunayanty amūṃ mad-āryām Bhss_2.236
> 
> iti sudṛg-uditāmṛtaṃ pibantī
> smita-subhagaṃ nijagāda kundavallī
> tad ayi sakhi! vidhehi tatra yātrām
> akṛta-vilambam itaḥ sahāli-vṛndā Bhss_2.237
> 
> kim iha gurujanāvaler anujñā-
> grahaṇa-vidhāv aṇumātram asti kaṣṭam
> yad atula-dhana-dhenu-dhānya-varṣair
> akṛta vaśāṃ svayam eva tāṃ vrajeśā Bhss_2.238
> 
> nirupadhi-parama-priyo 'su-koṭer
> api nikhilasya janasya goṣṭha-bhājaḥ
> vrajapati-tanayaḥ samīhate yat
> param iha vipratipattir asti kasya Bhss_2.239
> 
> sakhi! kim api na veda tat savitrī
> tad atula-rocaka-vastu saṃjighṛkṣuḥ
> ucitam anucitaṃ sva-lābha-hānī-
> nija-para-bhāva-bhidā yaśo 'yaśo vā Bhss_2.240
> 
> pacasi yad api yaś ca tasya bhoktā
> sa ca tirayaty amṛtaṃ sadaiva divyam
> iti nikhila-pureṣv atiprasiddhis
> tava sakhi! kaṃ na camatkaroti bāḍham Bhss_2.241
> 
> yad avadhi kalayāṃ babhūva sā tvāṃ
> munivara-datta-varāṃ varāmbujākṣi!
> tad avadhi tava pāṇi-saṃskṛtānnā-
> śana-viratiṃ kvacanāhni nāsya cakre Bhss_2.242
> 
> jayati yad atighora-daitya-yūthaṃ
> mṛdula-tanuḥ svaparābubhūṣum eṣaḥ
> tvad amala-kara-pakva-bhakta-bhukter
> aparam iyaṃ manute na hetum atra Bhss_2.243
> 
> śṛṇu paramayi tattvam atra rādhe
> yad avagataṃ sahasāntaraṃ mayāsyāḥ
> pratidinam avalokanaṃ vinā te
> śaśi-mukhi! khidyati sā yathā svasūnoḥ Bhss_2.244
> 
> sutanur abhidadhe'vadhehi vijñe
> sakhi! tad idaṃ na vadasy ayuktam ittham
> api tu kulavatīti vāda-bhājāṃ
> sphuṭam aparāṅgana-gāmitety ayuktam Bhss_2.245
> 
> yad api bata sakhīyaṃ rītir eveha loke
> tad api tava vaco no laṅghanīyaṃ kadāpi
> anunaya prathamaṃ tāṃ kintu yuktyā hi vṛddhāṃ
> parivadati tu yā mām āśu labdhvāpi rāyam Bhss_2.246
> 
> tataḥ sāsādya jaṭilāṃ
> snuṣāyāṃ ku ilām api
> śrāvayāmāsa sandeśaṃ
> vrajeśvaryā vicakṣaṇā Bhss_2.247
> 
> ākarṇya sājñāṃ vrajarāja-rājñyāḥ
> kṛṣṇāt snuṣāyām api śaṅkamānā
> vicintya śikṣām atha paurṇamāsyās
> tāṃ kundavallīṃ praṇayād avādīt
> snuṣeyaṃ me sādhvī guṇa-garima-mādhvīka-madhurā
> janaś chidrānveṣī sa khalu capalo nanda-tanayaḥ
> na cājñāvajñeyā vrajapati-gṛhiṇyā bhagavatī-
> vacaḥ pālyaṃ vatse! na ati hṛdayaṃ kiṃ nu karavai! Bhss_2.248-249
> 
> mātaḥ! satyaṃ vadati bhavatī kiṃca gopendra-sūnur
> nāyaṃ jñeyaḥ khala-samudayair yādṛśaḥ śrāvito 'sti
> kintu prodyad-dyumaṇir iva sad-dharma-padme khalālī-
> ghūke cāyaṃ vṛjina-timire ghoṣa-santoṣa-koke Bhss_2.250
> 
> mādhuryaṃ tūnmadayati jagad-yauvataṃ tasya tasmād-
> bhītir nītis tava nava-vadhū-pālanaṃ cāpi yuktam
> māśaṅkiṣṭhās tad ayati yathā dṛk-pathaṃ nāsya sādhvyāś
> chāyāpy asyāḥ svayam aham imāṃ drāk tathā te'rpayāmi Bhss_2.251
> 
> tvaṃ putri! sādhvī prathitāsi goṣṭhe
> tvayy arpiteyaṃ saralā vadhūs tat
> sa lola-dṛṣṭiḥ kila nanda-sūnur
> naināṃ yathā paśyati tad vidheyam Bhss_2.252
> 
> vadhūm athāhūya jagāda vatse
> vrajālayān nanda-vadhū-samīpam
> niṣpādya tasyāḥ priyam ehi tūrṇaṃ
> sahānayaivādya ravis tvayārcyaḥ Bhss_2.253
> 
> rādheti diṣṭā hṛdi sābhinanditā-
> py anicchuvad gantum uvāca tāṃ sakhīm
> astīha kṛtyaṃ na ca me yiyāsutā
> gṛhaṃ gṛhaṃ neṅgati yat kulāṅganā Bhss_2.254
> 
> vrajapati-gṛhiṇī-giraṃ cirābhyar-
> thana-vinayānunayānubaddha-mūlām
> kati nirasitum atra śaknumas tat
> tava bhagavān harir eva rakṣitāstu! Bhss_2.255
> 
> avati jagad idaṃ svadharma-pālīḥ
> kim iha satīḥ sa jahāti lokanāthaḥ?
> iti kila bhavatīṃ tadīya-pāṇau
> sumukhi! samarpya nirākulā bhaveyam Bhss_2.256
> 
> iti guru-jaratī-girā samudyat-
> smita-lava-saṃvṛti-peśalāḥ sakhīḥ svāḥ
> vikasad asita-netra-koṇa-bhaṅgyā
> kim api nigadya babhūva sāpi tūṣṇīm Bhss_2.257
> 
> kṛtāgrahoccaiḥ punar āryayāsau
> kaundyā babhāṣe kṛta-hasta-karṣam
> bhītāsi kiṃ sādhvy aham asmy avitrī-
> ty uccālitā phulla-tanuḥ pratasthe Bhss_2.258
> 
> kṛṣṇasya prātar-āśāya
> saṃskṛtaṃ laḍḍukādikam
> ādāya lalitā-mukhyāḥ
> sakhyo 'py anuyayuḥ sakhīm Bhss_2.259
> 
> atha nija-bhavanād-viniryatī sā
> tanu-vasanābharaṇa-cchavi-cchaṭābhiḥ
> vyadhita maṇi-vicitra-śātakaumbhīṃ
> pura-viśikhāṃ surabhī-kṛtākhilāśā Bhss_2.260
> 
> jana-nivaha-gatāgati-pravṛttau
> daravimukhī saraṇeḥ śritaika-pārśvā
> avanata-dṛg-avācakāsya-padmo-
> pari pariguṇṭhana-mādhurī prapede Bhss_2.261
> 
> vīkṣyādhvani parānanda-
> calad-vakṣaḥ-pa āñcalām
> savayasyāṃ kundavallī
> premṇā parijahāsa tām Bhss_2.262
> 
> mūlyānītopasaryās tri-catura-divasān proṣya sandhyāgatas te
> bhartā gobhiḥ svagoṣṭhe ghaṭayitum akhilāṃ rātrim eva nyavātsīt
> vakṣaḥ prodyan nakhāṅkāvali-citam adharaḥ spaṣṭa-danta-kṣato yat
> tat sādhvyās te satītvaṃ samucitam adhunā vyaktam ullālasīti Bhss_2.263
> 
> antar-gūḍha-smitotphulla-
> kiñcit-kuñcita-locanām
> svasakhīṃ lalitālokya
> kundavallīm athābravīt
> karaka-phala-dhiyāsyāḥ kānane dhṛṣṭa-kīraḥ
> stanam anuviniviṣṭaḥ pakva-bimba-bhrameṇa
> adaśad adharam uccais tan-nakhāco itaṃ tad-
> dhṛdayam idam amuṣyāḥ kiṃ vṛthā śaṅkase tvam Bhss_2.264-265
> 
> sakhī-vacaḥ-smārita-kṛṣṇa-saṅga-
> līlocchalat-kampa-taraṅgitāṅgīm
> tāṃ vīkṣya padmākaram īkṣamāṇā
> jagau punaḥ kundalatā sahāsam
> ānanda-kampottaralāsi mugdhe!
> kiṃ bho vṛthā padmini! kundavallyāḥ
> na devaras tvāṃ madhusūdano 'sau
> bhrāmyan punaḥ pāsyati bhukta-muktām Bhss_2.266-267
> 
> karṇa-śarmada-san-narma-
> bharma-kuṇḍala-nirmitau
> karma hāṃ kundavallīṃ tāṃ
> viśākhāha vicakṣaṇā
> svene'nurāgaṃ param udvahantī
> phullāpi mṛdvī bhramarāt sulolāt
> sat-padminīyaṃ sakhi kundavallī-
> bhṛṅgānujād bhī-taralā cakampe Bhss_2.268-269
> 
> athānantaram-
> kvacana ca pathi nirjane kadācit
> sphuṭam itaretara-vāg-vilāsa-raṅgaiḥ
> yadi calati tadā kutaḥ kva yāmī-
> ty api na hi vedana-gocarī-karoti Bhss_2.270
> 
> kṛṣṇānurāgeṇa vihasta-cittām
> ānanda-rāśiṃ janayantam eva
> sandarśayāmāsa pathi vrajantīṃ
> nandīśvaraṃ tāṃ kila tuṅgavidyā Bhss_2.271
> 
> rasāla-panasārjuna-kramuka-nārikelāsanaiḥ
> palāśa-va a-parka ī-khadira-bilva-jambvādibhiḥ
> madhūka-girimallikā-bakula-nāga-punnāgakair
> aśoka-baka-pā alī-kanaka-campakaiś campakaiḥ
> tamāla-navamālikā-kanakayūthikā-yūthikā-
> kuraṇ aka-lavaṅgikā-damanakātimuktādibhiḥ
> api sthalasarojinī-vicakilādibhiḥ kandalī-
> priyaṅgu-tulasī-mukhair api vicitra-vīrudgaṇaiḥ Bhss_2.272-273
> 
> sitāsita-vilohitotpala-saroja-kahlārakai
> rathāṅga-baka-sārasaiḥ kurara-haṃsa-kāraṇḍavaiḥ
> virājita-taraṅgakair vimala-vāribhir vāpikā-
> taḍāga-sarasī-mukhaiḥ parivṛtāni toyāśayaiḥ Bhss_2.274
> 
> hambāravair iha gavām api ballavānāṃ
> kolāhalair vividha-vandi-kalāvatāṃ taiḥ
> sambhrājate priyatayā vrajarāja-sūnor
> govardhanād api gurur vraja-vanditād yaḥ Bhss_2.275
> 
> sakhi! nija-purato vidūram āgā
> vrajapati-sadma samīpa-varti vṛttam
> tad ayi nayana-cātakābhilāṣaḥ
> phalati tavāśv iti samprati pratīhi Bhss_2.276
> 
> iti nigadita-mātrataḥ svasakhyā
> sapadi savepathu-jāḍya-viplutāṅgīm
> prasabham abhidadhāra cetayantī
> kim api jagāda ca tāṃ tadaiva kaundī
> sumukhi! kim adhunaiva viklavābhūr
> nayana-pathāmilite'pi kṛṣṇacandre
> avagamam akhilaṃ satītvam āptaṃ
> tava savayaḥ sada eva yat pramāṇam Bhss_2.277-278
> 
> dhṛtim iha hṛdi dhartum īśiṣe no
> yad api tad apy abale! kṣaṇaṃ dadhīthāḥ
> giri-yuga-bhara-dhāraṇāya yat te
> giridhara eva mayādya yojanīyaḥ Bhss_2.279
> 
> giridhara-diśa eva śaṅkayā yā-
> jani vidhurādya sakhī mahāsatīyam
> parivadasi balād imām avijñe!
> tad api niyokṣyasi hā punas tam asyām Bhss_2.280
> 
> tvayi muhur iyam arpitāryayā yat
> tad ucitam eva vidhitsase'dya bhadram
> svam iva sakhi! paraṃ janaṃ na viddhī-
> ty uditavatī lalitā punas tayoce Bhss_2.281
> 
> alam alam anayā girāvidūre
> kalaya puraḥ puratoraṇopakaṇṭhe
> sphaṭika-ghaṭita-ratna-citritāsthā-
> ny-abhinava-kuṭṭima-gaṃ hṛd-eka-kāmyam Bhss_2.282
> 
> sarasam uṣasi dugdha-naicikīkaḥ
> saha-savayāḥ kṛta-malla-raṅga-keliḥ
> avagata-bhavad-āli-yāna-vārttā-
> kṣubhita-hṛdāgata eṣa bhāti paśya Bhss_2.283
> 
> vrajapura-lalanā-kulonmadiṣṇu-
> karaṇa-paṭu-cchavi-maṇḍalopagūḍhaḥ
> madhurima-dhurayaiva kiṃ tribhaṅgī-
> kṛta-tanur uccala-dāma-māditālīḥ Bhss_2.284
> 
> śrita-mṛdutara-gaṇḍa-kuṇḍalādhyā-
> pana-para-tāṇḍava-paṇḍitākṣi-yugmaḥ
> pavana-dhuta-paṭāṅga-gaura-nīla-
> dyuti-laharī-stimitī-kṛtākhilāśaḥ Bhss_2.285
> 
> priya-sakha-bhuja-śīrṣṇi rājad udyat-
> karikara-nindaka-dhāma-vāma-bāhuḥ
> nija-ruci-vijitābja-ghūrṇanaika-
> vyasana-vaśetara-pāṇir eṣa īṣṭe Bhss_2.286
> 
> iti giram atha rūpa-mādhurīṃ tāṃ
> yadi caṣakī-kṛta-karṇa-netra-yugmā!
> apivad adara-mohatas tadā tat
> prasṛmara-saurabham āśv abodhayat tām Bhss_2.287
> 
> pulaka-nivaha-kampa-sampad-aśru-
> sruti-kalilāpi dhṛtiṃ dadhaty avādīt
> sakhi! kim aparam asti vartma pādau
> na mama puraś calato 'sya kiṃ karomi Bhss_2.288
> 
> guru-paravaśataiva doṣa-dūrī-
> karaṇa-paṭus tava kiṃ bhiyā hriyā vā
> sapadi savayaseti bodhyamānā
> laghu laghu gantum iyeṣa sā tad agre Bhss_2.289
> 
> kim idam iti parasparāvaloko-
> cchalita-mahāmadhurimṇi yat tayos tāḥ
> svam atula-tarasi nyamajjayann ā-
> laya iti varṇayituṃ na gīr apīṣṭe Bhss_2.290
> 
> agha-damana-cakora-candrikās tāḥ
> śaśi-vadanāpi papau muhuḥ pipāsuḥ
> giridhara-mudiroparīha cāta-
> ky atanu-rasaṃ pravavarṣa seti citram Bhss_2.291
> 
> atha nija-nija mūrdhni savya-haston-
> namana-kalā-kalitāvaguṇṭhanās tāḥ
> avanata-nayanāñcalī-vilīḍha-
> priya-caraṇābja-sudhā yayus tad agrāt Bhss_2.292
> 
> harir api parivṛtya tan-nitamba-
> dyuti-nihitekṣaṇa-paṅkajo 'vatasthe
> varatanu-tatir apy atītya tad-go-
> puram avaguṇṭhanam īṣad asyati sma Bhss_2.293
> 
> sakhi! bhavad avaloka-jāta-harṣaṃ
> sapadi sa campaka-mālayā baṭus tam
> sukhinam akṛta yat tad iṅgita-jñā
> bhavasi na vety uditāha sā svasakhyā
> tvam asi khalu yathā tathānvamāsīr
> nija-dṛśīr yatase parā vidhitsuḥ
> iti dara-vikasat-smitā bhramad-bhrūs
> tvaritam avāpa mahāpurāntaraṃ sā Bhss_2.294-295
> 
> sphaṭika-ghaṭita-kuḍyam īḍya-bharmoj-
> jvala-pa alaṃ pavi-kīlakaṃ kavā am
> maṇimaya-lalanā-dhṛta-pradīpa-
> vratati-naga-dvija-rāji-rājita-dvāḥ Bhss_2.296
> 
> dyumaṇi-kiraṇa-dīpta-ratna-kumbha-
> dhvaja-na a-keki-vṛtāgra-paura ā am
> suravara-pura-nindi yatra śaṃ-daṃ
> vilasati mandira-vṛndam indirāḍhyam Bhss_2.297
> 
> masāra-prācīraṃ marakata-gṛhaṃ hema-pa alaṃ
> pravāla-stambhāli-sphaṭika-vṛti-vaidūrya-vaḍabhiḥ
> mahānīlendrā aṃ vimala-kuruvindopala-mahā-
> pratīhāraṃ nānākṛti jita-vimānāvali-puram Bhss_2.299
> 
> kuḍye yasya maṇi-praveka-racite śilpa-kriyā-kalpitaiḥ
> pratyāsajya śukaiḥ samaṃ gṛha-śukeṣv āsādita-sthemasu
> saprāṇāḥ kim amī ime kim atha vety unmīlataḥ saṃśayād-
> dātuṃ dāḍima-bījakāni suciraṃ muhyanti mugdhāṅganāḥ Bhss_2.299
> 
> mukhya-prakoṣṭhe catur ālaye'syā
> bhāṇḍāra-gehaṃ varuṇasya diśyam
> śrī-kṛṣṇa-vāsaḥ śubha-dakṣiṇa-sthaḥ
> śrī-rāma-dhāmottara-diśy udeti Bhss_2.300
> 
> prācyāṃ gṛhaṃ tādṛśam eva yatra
> prācyāṃ sa yasyānyatara-prakoṣṭhe
> svaputra-bhadrāya nijeṣṭadevaṃ
> nārāyaṇaṃ sevate eva nandaḥ Bhss_2.301
> 
> koṣālayasyānvita-dakṣiṇāṃśe
> kṛṣṇasya dhāmnaḥ śubha-paścime'sti
> yā pākaśālā-dvaya-madhya eva
> viśrāma-dhāmānuru rādhikāyāḥ Bhss_2.302
> 
> kṛṣṇasya dhāmno 'nvita dakṣiṇāṃśe
> pākālayasyāpi virājamānaḥ
> ārāma āste sarasī ca yatra
> raho manojñaṃ bahu-geha-vedi Bhss_2.303
> 
> atha samupaseduṣīṃ sakhībhir hari-
> jananī nija-veśma bhāsayantīm
> amanuta bhuvana-trayaika-lakṣmīm
> uditavatīṃ muditā'rka-mitra-putrīm Bhss_2.304
> 
> tatrāgatāṃ caraṇayoḥ praṇatāṃ svadorbhyām
> utthāpya tāṃ hṛdi nidhāya mukunda-mātā
> āghrāya mūrdhni muditā jananī parārdhā
> snigdhā cucumba mukham aśru-mukhī tato 'syāḥ Bhss_2.305
> 
> pratyekam āliṅgya ca tad-vayasyāḥ
> papraccha sā'vyāhata-bhavyam asyāḥ
> vyagrā sutasyāśana-sādhane drāk
> sasneham etāḥ punar āvabhāṣe Bhss_2.306
> 
> na sutāsi kīrtidāyāḥ
> kintu mamaiveti tathyam ākhyāmi
> prāṇimi vīkṣya mukhaṃ te
> kṛṣṇasyeveti kiṃ trapase? Bhss_2.307
> 
> madhura-mṛdula-modakādi kiñcit
> samam upaveśya sakhī-janair balāt tām
> druta-hṛdayā dhaniṣṭhayāśayitvā
> bhṛśam upalālya nināya pākaśālām Bhss_2.308
> 
> vividha-madhura-bhakṣyotpādane labdha-varṇā
> vraja-bhuvi kila yūyaṃ viśrutā miṣṭa-hastāḥ
> tad iha kuruta putryaḥ! sādhu bhakṣyāṇi yatnād
> dara-rucir api vatsaḥ saspṛhaṃ me yathātti Bhss_2.309
> 
> upalāvaṇikaṃ tv ekāḥ
> kāścit kuruta dādhikam
> sārpiṣkam aparā yūyaṃ
> vatsāḥ śārkarikaṃ parāḥ Bhss_2.310
> 
> sarasa-rasavatī-satprakriyā-paṇḍitāsi
> tvam iha rasavatīṃ me yāhi rādhe! prayatnāt
> janani! bala-jananyādhiṣṭhitāṃ miṣṭam annaṃ
> racaya saha tayaiva vyañjanāny uttamāni Bhss_2.311
> 
> va akam amṛta-keliṃ sādhayātiprayatnāt
> sarasa-masṛṇam anyaṃ putri! karpūra-kelim
> madhuram amṛta-koṭer yatra kṛṣṇaḥ satṛṣṇas
> trijagati na hi kaścit tvām ṛte yasya vettā Bhss_2.312
> 
> yasyām uccair lālasāḍhyaḥ suto me
> tāṃ pīyūṣa-granthi-pālīṃ ca kṛtvā
> karpūrailādy-anvita-pānake tvaṃ
> yatnād vatse! dhehi pañcāmṛtākhye Bhss_2.313
> 
> tvaṃ vidhehi lalite'mba! rasālāṃ
> tvaṃ ca ṣāḍavam ihāśu viśākhe!
> tvaṃ ca bhoḥ śikhariṇīṃ śaśilekhe
> putri campakalate! mathitaṃ tvam Bhss_2.314
> 
> āmikṣāṃ tvaṃ putri! saṃsādhya tasyās
> tat-tad-dravyair yoga-pāka-prabhedaiḥ
> tat-tad-bhedān tuṅgavidye! vidhehi
> tvaṃ matsyaṇḍī-pānakāny amba! citre! Bhss_2.315
> 
> tvaṃ khaṇḍa-maṇḍāni ca raṅgadevi!
> tvaṃ kṣīra-sārān vividhān sudevi!
> vāsanti! śubhrā mṛdu-phenikās tvaṃ
> tvaṃ maṅgale! kuṇḍalikāṃ vidhehi Bhss_2.316
> 
> kādambari! tvaṃ kuru candra-kāntīs
> tvaṃ lāsike! taṇḍula-cūrṇa-piṇḍīḥ
> tvaṃ śaṣkulīḥ kaumudi! bhūri-bhedās
> tvam indu-piṇḍāni madālase'mba! Bhss_2.317
> 
> śaśimukhi! va akāni tvaṃ vidhehi prayatnād
> dadhi-va aka-mukhāni prājya-mādhurya-bhāñji
> praṇaya sumukhi! ramyāḥ śarkarā-pa ikās tvaṃ
> maṇimati! bahu-bhedāṃs tvaṃ ca piṣṭānna-pūpān Bhss_2.318
> 
> vidhatsva bhoḥ kāñcanavalli! vatse!
> godhūma-cūrṇodbhava-laḍḍukāni
> manoharākhyāni manorame! tvaṃ
> tvaṃ mauktikākhyāni ca ratnamāle! Bhss_2.319
> 
> subhṛṣṭa-nistuṣa-tilair
> modakān kuru mādhavi!
> tathā tila-kadambākhyāḥ
> satilāḥ khaṇḍa-pa ikāḥ Bhss_2.320
> 
> lājān dhānāṃś ca saṃbhṛṣṭān
> pṛthukān ghṛta-bharjitān
> kṛtvā vindhye! sitā-kvāthaiḥ
> samudgān kuru modakān Bhss_2.321
> 
> rambhe! karambhaṃ kuru śātakumbha-
> kuṇḍyāṃ surambhā-phala-śarkarādyaiḥ
> niṣpīḍya pakvāmra-rasaṃ manojñe!
> sitā-ghana-kṣīra-yutaṃ vidhehi Bhss_2.322
> 
> utthāpitaṃ yat tu mayā mathitvā
> prātaḥ sugandhā-payaso dadhīni
> tad iṣṭa-gandhaṃ navanīta-piṇḍaṃ
> haiyaṅgavīnaṃ kuru bhoḥ kilimbe Bhss_2.323
> 
> svayaṃ dugdhvā vrajendreṇa
> prahitaṃ dhavalā-payaḥ
> pānārtham ambike mandaṃ
> tvaṃ śṛtaṃ kuru vatsayoḥ Bhss_2.324
> 
> ṛjīṣa-darvī-nivahaiḥ parītāṃ
> mṛd-dāru-kuṇḍy-ādika-bhājanaiś ca
> cullī-cayāḍhyāṃ mama sikta-liptāṃ
> tad-dugdha-śālāṃ vrajatāśu bālāḥ Bhss_2.325
> 
> nānopakaraṇāni tvaṃ
> tāni tāni dhaniṣṭhike!
> niṣkāsya tat-tad-bhāṇḍebhyaḥ
> pātreṣv ādhāya dāpaya Bhss_2.326
> 
> tat-tat-padārthāṃs tvaritaṃ tulasyā
> sahānayā raṅgaṇamālike tvam
> ānīya koṣālayato 'smadīyād
> dāsī-gaṇair dāpaya tatra tatra Bhss_2.327
> 
> āmrātakāmra-phalapūra-karīra-dhātrī-
> limpāka-koli-rucakādi-phalāni kāmam
> taile ciraṃ salavaṇe kila sandhitāni
> mūlāny athārdraka-mukhāni ca rocakāni
> matsyaṇḍikā-rasa-ciroṣita-pakva-ciñcā-
> dhātrī-rasāla-badarī-śakalāni tadvat
> niṣkāsya bhos tvam iha manthanikā-kulebhyaḥ
> kṛtvānayendumukhi! kāñcana-bhājaneṣu Bhss_2.328-329
> 
> śande śubhe bharaṇi pīvari miṣṭa-haste
> cullīcayopari-dhṛtātula-manthanīṣu
> dugdhāni bhārika-gaṇopahṛtāni goṣṭhād
> vatsāḥ! śanaiḥ śrapayatāśu nidhāya yūyam Bhss_2.330
> 
> kānta-bhuktāvaśiṣṭaṃ saṃ-
> bhujya tu jāta-śarmikām
> āyātāṃ sva-samīpe tāṃ
> rādhām āha salālanam
> sarasija-mukhi! kīrtidaikakīrte!
> pacana-kalā-caturā kṛtāsi dhātrā
> tad ayi rasavatīṃ praviśya pākaṃ
> kuru lalitādi-sakhī-kṛteti kṛtyam Bhss_2.331-332
> 
> śaśi-mukhi! śaradāṃ śataṃ jayaivaṃ
> sukhaya manonayane mamety uditvā
> anayata sumanoharās tad-ālīḥ
> śam atula-vatsalatā-latā natāḥ sā Bhss_2.333
> 
> goṣṭheśvarīṃ samabhivādya viśeṣa-namrā
> tat-pāṇi-padma-dhṛta-pāṇir atīva kamrā
> āsādya rāma-jananīṃ praṇanāma yātām
> adhyakṣatāṃ pacana-karmaṇi sābhijātā Bhss_2.334
> 
> kailāsa-śailaka-nibhaṃ dadhatī sva-kāntyā
> nīlāṃśukā praṇayinī hi sadātra rādhā
> ehīti doḥ-prasaraṇena muhur vadantī
> śiśleṣa tāṃ samukha-cumbam asau hasantī Bhss_2.335
> 
> tābhyāṃ mahānasam upetya ca pāka-śālā-
> pālīḥ smitena mṛdunā vacasā ca bālā
> sammānya mānya-caritā mumude mitāni
> pāka-kriyopakaraṇāni vilokya tāni Bhss_2.336
> 
> kuṣmāṇḍakālu-kacu-mānaka-kanda-tumbī-
> vārttāku-mūlaka-paṭola-phalāni śimbī
> ḍiṇḍīśa-vāraṇa-buṣāma-phalāny anīcā-
> rambhā-viśeṣa-nava-garbha-navīna-mocāḥ
> vāstūka-māriṣa-paṭola-śikhāḥ kalāya-
> vallī-śikhāś caṇakāgra-śikhāḥ pradhāya
> tumbī-śikhāś ca mṛdulāḥ saha-podikāgrāṇy
> ālokya saikṣata sakhīḥ sarasāḥ samagrāḥ Bhss_2.337-338
> 
> yad yena yena vidhinā ruciratvam etya
> yad vyañjane yad upayujyata ity avetya
> tābhir mahānasa-carībhir amūni tāni
> tat-tat-prakāram atha kuṭṭita-karttitāni Bhss_2.339
> 
> elā-lavaṅga-maricārdraka-jāty-ajājī-
> jātīphala-tvaca-sulāṅgali-sasya-rājīḥ
> siddhārtha-taṇḍula-niśā dalitāṃś ca māṣān
> kecij janāḥ pipiṣur abja-dṛśām aśeṣān Bhss_2.340
> 
> piṣṭvā suvarṇa-puṭikāsu śubha-prabhāvair
> ācchāditāsv anucarī-ghaṭayā śarāvaiḥ
> susthāpitāni vasanopari pāka-līlā-
> rambhe cakāra hṛdayaṃ niravadya-śīlā Bhss_2.341
> 
> āvaśyakābharaṇa-veśa-lasat-pratīkā
> dhautāṅghri-pāṇi-kamalā saha-rohiṇīkā
> babhrāja sā vara-mahānasa-vedikāyāṃ
> śraddhāya kautukavatī pacana-kriyāyām Bhss_2.342
> 
> dīptāsu rāma-jananīṅgitato 'nalena
> cullīṣu cārutara-dāru-samujjvalena
> ārūruhann akhila-locana-citta-jaitrīs
> tās tāmra-rīti-rajatācita-pāka-pātrīḥ Bhss_2.343
> 
> jajjvāla sa svayam aphut-kṛti-vīta-dhūmam
> agniḥ svayaṃ jalam abhūd anabhūma-bhūma
> yad yatra yatra lavaṇaṃ ca tathā pramāṇaṃ
> tat tatra tat kara-tale'kuruta pramāṇam Bhss_2.344
> 
> aguru-sarala-devadāru-dāru-
> jvalana-pariśrita-cullikā-cayāgre
> nihita-vividha-pātra-rāji-rājad-
> bahuvidha-temana-sādhu-sādhanārtham Bhss_2.345
> 
> jvalana-kalana-pātra-dhāraṇonna-
> ty-avanati-mūrchana-darvi-cālanādyaiḥ
> trivali-kuca-bhujāṃsa-kampa-celoc-
> calana-vaśād udapādi yas tadā'syāḥ
> madhurima-bharam acyutaḥ svasaudha-
> sphurita-gavākṣa-dhṛtekṣaṇaḥ pibaṃs tam
> madana-madam udañcitaṃ vivṛṇvan
> kim api jagāda paṭur baṭuṃ miṣeṇa Bhss_2.346-347
> 
> prahitya taṃ sātha mahānasaṃ gatā
> kiṃ kiṃ tvayā sādhitam etayā saha
> sarvaṃ tad etan mama temanādikaṃ
> saṃdarśayety āha balasya mātaram Bhss_2.348
> 
> tām āha sammārjita-vedikāntare
> navīna-mṛd-bhājana-paṅkti sambhṛtam
> sā darśayantī kṛta-temanādikaṃ
> rādhāṃ praśaṃsanty atha tāṃ ca rohiṇī Bhss_2.349
> 
> sumadhuraṃ śaśito 'pi susaṃskṛtaṃ
> nipuṇayā pacane mṛdu rādhayā
> pravara-manthanikāsu susambhṛtaṃ
> sumukhi! paśya puraḥ sakhi! pāyasam Bhss_2.350
> 
> bala-puṣṭi-karaṃ hṛdyaṃ
> madhuraṃ mṛdulaṃ sati!
> manthanī-sambhṛtaṃ paśya
> saṃyāvam anayā kṛtam Bhss_2.351
> 
> rambhā-sīrī-kṣīrasāraiḥ
> śaṣkulīr vividhāḥ sakhi!
> paśya piṣṭa-vikāraṃś ca
> nānā-bhedān susaṃskṛtān Bhss_2.352
> 
> pīyūṣagranthi-karpūra-
> kelikāmṛtakelikāḥ
> anayā saṃskṛtāḥ paśya
> yad vidhir me na gocaraḥ Bhss_2.353
> 
> kevalo mathita-klinno
> maudgo 'yaṃ vaṭako dvidhā
> sitā-lavaṇa-saṃyogān
> māṣasyāpi catur-vidhaḥ Bhss_2.354
> 
> ciñcāmrātaka-cukrāmrais
> tat tad dravyādi-yogataḥ
> īṣan-madhura-gāḍhādi-
> bhedād amlo dviṣaḍ-vidhaḥ Bhss_2.355
> 
> baddha-rambhā-navya-garbha-
> tan-navya-mukulāṃśayoḥ
> māna-kandāmbu-kacvīnāṃ
> mukhāṃśasyālukasya ca
> kuṣmāṇḍa-ḍiṇḍiśāṇāṃ ca
> cakrābha-khaṇḍa-jālakam
> caṇaka-kṣoda-paṅkāktaṃ
> ghṛta-bhṛṣṭaṃ pṛthak pṛthak Bhss_2.356-357
> 
> caṇaka-kṣoda-va akān-
> yājya-bhṛṣṭāni kevalam
> aparāny amla-sat-takra-
> kvātha-klinnāni lokaya Bhss_2.358
> 
> caṇaka-kṣoda-piṇḍānāṃ
> svinnānāṃ kvathitāmbhasi
> khaṇḍāni dravya-pākādi-
> bhedān nānā-vidhāni ca Bhss_2.359
> 
> vaṭikā phala-mūlānāṃ
> pṛthak saṃyoga-bhedataḥ
> trijāta-maricādyais tu
> prakārān bahudhā-kṛtān Bhss_2.360
> 
> karkāru-jyotsnikālābu-
> phalāny āli pṛthak pṛthak
> rājikā-dadhi-yogena
> saṃskṛtāny anayā śubhe Bhss_2.361
> 
> vatsepsita-prasūnāni
> ghṛta-bhṛṣṭāni kevalam
> ghṛta-bhṛṣṭā dadhi-klinnāḥ
> kalikāḥ kovidārajāḥ Bhss_2.362
> 
> ghṛta-bhṛṣṭā dadhi-klinnāḥ
> prasūna-vaṭikā dvidhā
> paṭolasya phalāny ājya-
> bhṛṣṭāni ruci-dāny alam Bhss_2.363
> 
> vṛddha-kuṣmāṇḍa-vaṭikāḥ
> kacvī-mānālu-kandakaiḥ
> tikta-lālita-cūrṇāḍhyāś
> cavikāḍhyāḥ parāḥ kṛtāḥ Bhss_2.364
> 
> sitailā-maricair yogād
> dugdha-tumbī-kṛtānayā
> tad-yogād aparaṃ miṣṭaṃ
> kṣīra-kuṣmāṇḍa-nāmakam Bhss_2.365
> 
> dadhi-śūraṇakaṃ miṣṭaṃ
> dhātrī-śūraṇakaṃ param
> dadhnaikaṃ bharjitaṃ cānyaṃ
> kāravilva-phalaṃ dvidhā Bhss_2.366
> 
> mṛdu-rambhā-garbha-khaṇḍa-
> vṛddha-kuṣmāṇḍa-khaṇḍayoḥ
> sitā-dadhi-yutaḥ pāko
> madhurāmlaḥ suśītalaḥ Bhss_2.367
> 
> nālīta-methī-śatapuṣpikā-miśī-
> paṭola-vāstūka-vitunna-māriṣāḥ
> prakāra-saṃyoga-vibhedato 'nayā
> śākāḥ sudhā-garva-hṛtaḥ susaṃskṛtāḥ Bhss_2.368
> 
> kalambī pakva-ciñcāyā
> rasa-pakvā ruci-pradā
> kṛṣṇa-nālīta-śāko 'yam
> āmāmra-phala-yuk śubhaḥ Bhss_2.369
> 
> mayuṣṭhakasya mudgasya
> māṣasyāpy adhunā mayā
> trividho 'yaṃ sudhākūpa-
> nibhaḥ sūpo vipācyate Bhss_2.370
> 
> paṅkaiḥ sumana-cūrṇānāṃ
> dāsībhir bhṛśa-marditaiḥ
> pūrṇendu-maṇḍalākārāḥ
> kriyante ro ikā mayā Bhss_2.371
> 
> kṛtāni kriyamāṇāni
> kartavyāni tu kānicit
> ity anna-vyañjanāni tvaṃ
> saṃsiddhāni pratīhi nau Bhss_2.372
> 
> saurabhya-sadvarṇa-manoharaṃ tat
> sā vīkṣya sarvaṃ muditā babhūva
> jijñāsamānām atha tad-vidhānaṃ
> tāṃ rohiṇī vismaya-pūrvam āha
> sāmagrī saiva sāmānyā
> pākasya prakriyāpy asau
> kintv apūrva-guṇe hetur
> gāndharvā-hasta-sauṣṭhavam Bhss_2.373-374
> 
> sā tāṃ rādhām anna-saṃskāra-saktāṃ
> prasvidyantīṃ lajjayā namra-vaktrām
> dṛṣṭvā rājñī sneha-viklinna-cittā
> dāsīm asyā vījanāyādideśa Bhss_2.375
> 
> atha tasyāḥ pariveśana-kauśalam āha-
> vyāptāyāṃ vasanena bhojana-bhuvi śrī-ratna-pīṭhāgratas
> tat-tad-vyañjana-ratna-ratna-puṭikā-paṅktiḥ krameṇābhitaḥ
> miṣṭābhīṣṭa-supiṣṭakaugha-puṭikā-paṅktis tu tāsāṃ bahiḥ
> samyag bhavya-sugavya-hema-puṭikā-paṅktiś ca tāsāṃ bahiḥ
> ity evaṃ kramato 'rdha-maṇḍalatayā paṅkti-krameṇādbhute
> svālībhiḥ puru-cāru-citra-racanād vaividhya āpādite
> anyonyāvyatiṣakta-sūkṣma-surabhi-ślakṣṇair ghṛtācyotanair
> madhye hemamayī vyadhāyi rucirā pātrī śubhair odanaiḥ Bhss_2.376-377
> 
> sauvarṇīṃ tala-pātrikāṃ ghṛta-pu ī-limpāka-khaṇḍādibhiḥ
> sandhānārdra-rasāla-khaṇḍa-sahitaiḥ satkāsamardādibhiḥ
> yuktāṃ dakṣiṇato nidhāya nika e tasyāś ca bhṛṅgārakān
> karpūreṇa suvāsitena payasā pūrṇān vyadhāt kānakān Bhss_2.378
> 
> tasyāḥ pāka-sukauśalaṃ bahu-vidhaṃ dṛṣṭvā vrajeśa-priyā
> tāsāṃ tatpariveṣa-citra-racanāṃ cātisphurad-vismayā
> ānetuṃ prajighāya vatsala-manāḥ kṛṣṇaṃ ca rāmaṃ ca sā
> dhātreyīm atha tau samīyatur atiśraddhā-vaśād añjasā Bhss_2.379
> 
> natvā mātaram ājñayā saha-balas tasyāḥ samullāsanaḥ
> premṇā bālaka-dāsikā-kṛta-padāmbhoja-dvayī-dhāvanaḥ
> ācamyopaviveśa sammukhatayā cārv-annapātrī-puraḥ
> sarvaṃ tat-tad-avekṣya vismita-manā babhrāja pītāmbaraḥ Bhss_2.380
> 
> śrīdāma-subalau vāme
> puro 'sya madhumaṅgalaḥ
> dakṣiṇe śrī-balaś cānye
> paritaḥ samupāviśan Bhss_2.381
> 
> mātṛbhyāṃ krama-darśitena hi pathā bhoktuṃ samārabdhavān
> yad yad bhoktum upakramaṃ sma kurute tyaktuṃ na tat soḍhavān
> bhoktuṃ tat tad aśeṣam apy abhilaṣan sāmarthyavāṃś ca svayaṃ
> kiñcit kiñcid abhukta vīkṣaka-bhiyā durvāda-bhītyāpy ayam Bhss_2.382
> 
> vyākhyādbhiḥ saha-bhojibhiḥ saha-balaiḥ pākasya tat-kauśalaṃ
> svāduṅkāram adann avāg api hṛdā so 'pi praśaṃsann alam
> ādau pāyasam āśa kiñcid apara-prācurya-paryāptatāṃ
> vīkṣya vyañjana-ratna-yatna-gaminā lobhena bhūmnā citām Bhss_2.383
> 
> śākādi-kramato 'bhitoṣa-vaśataḥ sarvāṇi sad-vyañjanā-
> ny ādan mātṛ-mude bhaved api yathā paktrī-manorañjanā
> tān sarvān saha-bhojinaḥ sarasayā vācā hasan hāsayan
> bhuñjadhvaṃ na parityajeta kim apīty ekāntam āhlādayan Bhss_2.384
> 
> sva-sva-saṃskṛta-miṣṭānnaṃ
> prātar-āśopayogi yat
> upajahrus tayāhūtā
> mātre gopyo mudānvitāḥ Bhss_2.385
> 
> śrī-rādhayā yatnata eva gehād
> ānīta-khaṇḍodbhava-laḍḍukāni
> gaṅgā-jalākhyāny atha raṅgadevī
> tad-iṅgitenopajahāra mātre Bhss_2.386
> 
> tāni mātā balādibhyo
> vibhajya snehato dadau
> prakīrṇa-svarṇa-pātreṣu
> vinidhāya pṛthak pṛthak Bhss_2.387
> 
> āsvādayantaṃ ghṛta-pakvam annaṃ
> sunarmabhis tān api hāsayantam
> ālokayantaṃ nayanāñcalena
> rādhānanaṃ taṃ dadṛśur mudālyaḥ Bhss_2.388
> 
> ado bhadram idaṃ miṣṭam
> etat snigdhaṃ sucāru tat
> tarjanyā darśayanty ambā
> bhuṅkṣva vatsety abhāṣata Bhss_2.389
> 
> yad yad iṣṭaṃ bhaved yasya
> jñātvā jñātvā hasan hariḥ
> tasmai tasmai dadau tat tat
> svapātrāt prakṣipan muhuḥ Bhss_2.390
> 
> vīkṣya yatnānvitām ambāṃ
> mandam aśnantam acyutam
> parihāsa-paṭus tasmin
> vrajeśām avadad baṭuḥ
> ayaṃ ced bhūri nātty amba!
> dehi me sarvam admy asau
> mayaivāliṅgitaḥ puṣṭo
> bhavitā bhūri-bhojinā
> nāsya manda-ruceḥ śaktir
> ghṛta-pakvānna-bhojane
> tad asmai laghu-rāddhānnaṃ
> vyañjanāny amba! dāpaya Bhss_2.391-393
> 
> atha kṛṣṇaḥ svapātrastha-
> pakvānnāñjalibhir hasan
> pañca-ṣaiḥ pūrayāmāsa
> bhuṅkṣveti baṭu-bhājanam Bhss_2.394
> 
> tato vāma-kaphoṇiṃ svaṃ
> vādayan vāma-pārśvake
> samyag bhoktuṃ kṛtārambhaḥ
> prahṛṣṭo baṭur āha tam
> vayasya! paśya bhakṣye'ham
> ity aśnan kavala-dvayam
> mātar me dadhi dehīti
> prāhiṇot tāṃ tadāhṛtau Bhss_2.395-396
> 
> gopāḥ paśyata nṛtyatīha capalaḥ pakvānna-labdhāśayā
> kīśeśo dadhi-lampa o 'yam iti tān kṛtvonmukhāṃs tad-diśi
> teṣāṃ bhojana-bhājaneṣu śanakair nikṣipya bhakṣyaṃ nijaṃ
> sarvaṃ bhuktam idaṃ mayeti sa punar garvāyamāno 'vadat Bhss_2.397
> 
> tathāgatāṃ tāṃ dadhi-pātra-hastām
> uvāca paśyāmba! vinaiva dadhnā
> mayopabhuktaṃ drutam eva sarvaṃ
> tat pāyasaṃ dāpaya bhūri mahyam Bhss_2.398
> 
> haimeṣu pātreṣu nidhāya rādhayā
> navīna-rambhā-dala-manda-mārutaiḥ
> śītīkṛtaṃ sve pariveśitaṃ kare
> tebhyo dadau pāyasam āśu rohiṇī Bhss_2.399
> 
> ānīyānīya gāndharvā-
> dattāni vyañjanāni sā
> śākādīny amla-śeṣāṇi
> tebhyo 'dāt kramaśaḥ śanaiḥ Bhss_2.400
> 
> rambhodarastha-cchada-varṇa-lāghavāḥ
> saṃmṛṣṭa-godhūma-sucūrṇa-ro ikāḥ
> ghṛtābhiṣiktāḥ pariveśitās tayā
> tebhyo 'nya-pātreṣu nidhāya sā dadau Bhss_2.401
> 
> pūrvaṃ pakvānnam uddiśyā-
> dhunā tv annādikaṃ ca yā
> baṭoḥ suparihāsoktir
> nātra syāt punar uktatā Bhss_2.402
> 
> kṛṣṇaḥ satṛṣṇo naivātra
> balaḥ kavala-mātra-bhuk
> śrīdāmā nāma mandāśī
> subalo 'su-balojjhitaḥ Bhss_2.403
> 
> kvaiṣāṃ bhakṣyaikatānatva-
> rāhityam avidagdhatā
> kvaitad annaṃ sudhā-nindi
> svayaṃ lakṣmyaiva sādhitam Bhss_2.404
> 
> kāvyaṃ viphalatāṃ kiṃ na
> yāti sat-kavi-nirmitam?
> yatra goṣṭhyāṃ tad-āsvāda-
> lolupatvaṃ na vartate Bhss_2.405
> 
> catur-varga-phalam mūrtaṃ
> etad-annaṃ catur-vidham
> ahaṃ kevalam eko 'sya
> pātram ity avadad baṭuḥ Bhss_2.406
> 
> śrīdāmovāca piṇḍībhiḥ
> piciṇḍaṃ pūraya drutam
> yad eva tava sarvasvaṃ
> yad arthaṃ baṭutām adhāḥ Bhss_2.407
> 
> baṭur ākhyad are mūrkha!
> gopas tvaṃ kiṃ nu vetsyasi?
> rasāsvādaṃ svadharmārthaṃ
> gā roddhum aṭavīm aṭa Bhss_2.408
> 
> paśyaiṣo 'ham anūcāno
> vipro yair man-mukhe hutam!
> tair iṣṭaḥ sarva-yajñena
> bhagavān eva kevalam Bhss_2.409
> 
> śrīdāmoce śruti-smṛtyor
> vartmāpi śata-janmasu
> tvayā paricitaṃ naiva
> vipratve sūtram eva te Bhss_2.410
> 
> kṛṣṇaḥ prāha baṭor asti
> rasa-śāstre'nuśīlanam
> vyañjanāneka-tātparya-
> lakṣaṇābhijñatā yataḥ Bhss_2.411
> 
> baṭur āha ṣaḍ evātra
> rasā na tv aṣṭa man-mate
> ṣoḍhaiva nyāyya āsvādo
> yat ṣaḍ evendriyāṇi naḥ Bhss_2.412
> 
> rasā hy aṣṭāv iti prāhur
> ye te'pi vyañjanāśritāḥ
> vyañjanābhijñatā-leśo 'py
> eṣāṃ kintu na vidyate Bhss_2.413
> 
> vihāya śāka-sūpādīn
> vihāyas te dhayanti yat
> tan nīraṃ prakaṭaṃ hitvā
> dhāvanty eva marīcikām Bhss_2.414
> 
> kāraṇaṃ rasa-niṣpattau
> carvaṇeneti taj jaguḥ
> carvan tu paricoṣyanti
> na pitur janma-koṭibhiḥ Bhss_2.415
> 
> rāmaḥ prāha rasāsvāde
> ke'nubhāvā bhavan-mate
> ke vā sañcāriṇaḥ ko vā
> sthāyī sa svādyate katham Bhss_2.416
> 
> baṭur ūce yad aprāptyā
> pūrvam evāśru me bhavet
> prāptyā tu vyañjanasyāsya
> pulakāsya-prasannate Bhss_2.417
> 
> varṇasya snigdhatā-tṛptyā
> vaivarṇyaṃ tac ca paśya me
> bhuñjāna eva yad vacmi
> svaro me tena bhidyate Bhss_2.418
> 
> stambho me bhūri miṣṭānna-
> bhojanāśakti-duḥkha-jaḥ
> prasvedaḥ prakaṭo 'nte tu
> pralayo bahu-bhakṣaṇāt Bhss_2.419
> 
> ālasya-cintā-svāpādyāḥ
> spaṣṭāḥ sañcāriṇo 'tra naḥ
> svādyatvenaika evāpi
> sthāyī tu vividhābhidhaḥ Bhss_2.420
> 
> ājyābhyaktāni bhaktāni
> manye kāñcana-vāriṇā
> snapitānīva saurabhyaṃ
> yeṣāṃ saulabhyam abhyagāt
> godanta-kṛtta-ghāsādi-
> ghrāyiṇyāṃ gopa-saṃsadi
> kṛta-puṇyasya me bhūri-
> bhoga-bhājaḥ prasaṅgataḥ Bhss_2.421-422
> 
> vane viprās tapasyanti
> patra-mūla-phalāśanāḥ
> baṭos te nādhikāro 'sti
> bhoge yāhi tapaś cara Bhss_2.423
> 
> satyaṃ bho yaiḥ purā taptaṃ
> patra-mūla-phalādibhiḥ
> pariṇamya januṣy atra
> vyañjanatvena tair mama
> bhauma-svarga-juṣaḥ sādhu
> pratyakṣī-bhūyate'nvaham
> iti jānīta-bhogo 'yam
> atapta-tapasaḥ kutaḥ Bhss_2.424-425
> 
> evaṃ cet prathamaṃ prāptum
> arhanty ete valīmukhāḥ
> vāg-vyaya-śramiṇo 'trāpi
> januṣy ete tapasvinaḥ Bhss_2.426
> 
> śītoṣṇa-vāta-sahanāḥ
> patra-puṣpa-phalāśanāḥ
> jāti-smarāḥ kathaṃ na syuḥ
> ko 'mīṣāṃ vetti vijñatām Bhss_2.427
> 
> kṛṣṇaḥ prāha sakhe! viprā
> brahmopāsana-tatparāḥ
> kīśāḥ kukṣimbharā eṣāṃ
> dvayeṣāṃ mahad-antaram Bhss_2.428
> 
> asya kīśasya cāvaimi
> na kim apy antaraṃ hare!
> naratvaṃ vānaratvaṃ vā-
> nayor bhede na kāraṇam Bhss_2.429
> 
> kiṃ ca khyāpayatā tena
> loke'pūrvāṃ svavijnatāṃ
> bṛhattvād bṛṃhaṇatvāc ca
> svakukṣir brahma manyate Bhss_2.430
> 
> atas triṣavaṇaṃ tasya
> dhyāyatā pūrti-sādhanam
> sa evopāsyate'nena
> naiṣṭhika-brahmacāriṇā Bhss_2.431
> 
> kadācid bhūri-pakkānna-
> grasanāveśa-saṃbhramaiḥ
> kīśāyitaṃ syāt pāṇibhyāṃ
> bhuñjānasyāsya lāghavaiḥ Bhss_2.432
> 
> ity uktvājīhasat sarvān
> subalas tān baṭuḥ sa tu
> hasan bhuñjāna evoccaiḥ
> kāśaiḥ śoṇa-mukho 'bhavat Bhss_2.433
> 
> goṣṭheśāha baṭo! tiṣṭha
> kṣaṇaṃ mā bhuṅkṣva mā hasa!
> sthairyam āpnuhi mā jalpa
> mainaṃ hāsayatārbhakāḥ Bhss_2.434
> 
> dhaniṣṭhayā yal-lalitādi-saṃskṛtaṃ
> tat-tad-rasālādikam āhṛtaṃ puraḥ
> kṛtvā pṛthak pātracaye vrajeśvarī
> sasneham ebhyo dadatī mumoda sā Bhss_2.435
> 
> hṛdaya-dayita-mukha-vīkṣaṇa-hṛṣṭās
> tad atimadhura-mṛdu-kānti-vikṛṣṭāḥ
> mumudur udita-pṛthu-bhāva-vihastā
> ramaṇa-bhavanam adhi tāḥ puru-śastāḥ Bhss_2.436
> 
> annānyatho tāni catur-vidhāni te
> pīyuṣa-sārodbhava-vikriyā iva
> āsvādayanto madhurāṇi saspṛhaṃ
> taṃ hāsayanto jahasuś ca narmabhiḥ Bhss_2.437
> 
> carvanti carvyāṇi mṛdūni kecil
> lehyāni cānye caṭulaṃ lihanti
> pibanti peyāni pare prahṛṣṭāś
> cūṣyanti coṣyāṇy apare vitṛptāḥ Bhss_2.438
> 
> svāduṅkāraṃ kamala-nayanaḥ saspṛhaṃ tat tad annaṃ
> hasta-sparśād amṛta-madhuraṃ manda-mandaṃ priyāyāḥ
> tad vaktrābja-prahita-nayana-prānta-bhṛṅgo nigūḍhaṃ
> prāśnann ambā-manasi nibiḍaṃ sa pramodaṃ vyatānīt Bhss_2.439
> 
> prahita-cakita-netra-prānta-dṛṣṭi-praṇālī-
> milita-tad-atilāvanyāmṛtāsvāda-puṣṭā
> prasarad-akhila-bhāvollāsam ācchādayantī
> dayita-hṛdayam uccai rādhikāpy ājahāra Bhss_2.440
> 
> atha bala-jananīṃ tām antarākṛtya nṛtyan-
> madakala-madirākṣīm arpayantīṃ kare'syāḥ
> mṛdu mṛdu madhurānnaṃ preyasīṃ prekṣya kṛṣṇaḥ
> ślatha-rucir aśane'bhūd unmanā nāgareśaḥ Bhss_2.441
> 
> sāmibhuktaṃ kiyat tena
> kiṃca tryaṃśāvaśeṣitam
> bhakṣyaṃ vīkṣyāśane mandaṃ
> taṃ cāsīd vyākulā prasūḥ Bhss_2.442
> 
> yatnāt saṃskṛtam annādi
> sarvaṃ tyaktaṃ kathaṃ suta!
> kṣudhito 'si kiyad bhuṅkṣva
> śapathaḥ śiraso mama Bhss_2.443
> 
> ānāyya yatnād vṛṣabhānu-kanyakāṃ
> saṃskāritaṃ sarvam idaṃ sutānayā
> annādi miṣṭaṃ ca sudhā-parārddhatas
> tathāpi nāśnāsi karomi kiṃ hatā Bhss_2.444
> 
> atha sā rohiṇīm āha
> paśya rohiṇi! cañcalaḥ
> durbalaḥ kṣudhito 'py eṣa
> kim apy atti na manda-bhuk Bhss_2.445
> 
> tataḥ sneha-parītāṅgī
> lālayanty agha-mardanam
> pralamba-hantur ambeyaṃ
> babhāṣe taṃ puraḥsthitā
> yatnād annaṃ sādhitaṃ vatsa! miṣṭaṃ
> mallī-mṛdvyā rādhayedaṃ mayā ca
> kṣut-kṣāmo 'si tvaṃ ca nāśnāsi tat tām
> ambām etāṃ māṃ ca kiṃvā dunoṣi Bhss_2.446-447
> 
> jananī tava paśya khidyate
> suta! nirmañcanam atra yāmi te
> bhramato bhavitā vane śramaḥ
> kiyad aśnīhi vidhehi mad-vacaḥ Bhss_2.448
> 
> bhuktaṃ mayā bhūri gatā bubhukṣe-
> ty uktvā niyamyocchalitaṃ vikāram
> taṃ vīkṣya mandaṃ punar apy adantaṃ
> nanandatur nanda-sutaṃ jananyau Bhss_2.449
> 
> idam idam atimiṣṭaṃ vatsa! bhuṅkṣveti mātā
> saśapatham atha tat-tad-darśayanty aṅgulībhiḥ
> sakalam abhilaṣantī kartum aśru-plutākṣī
> tad udara-gatam annaṃ sātmajaṃ vāvadīti Bhss_2.450
> 
> rasālā-pakvāmra-drava-śikhariṇī-ṣāḍava-payaḥ-
> karambhāmikṣā-vyañjana-dadhi-phalāpūpa-va akān
> kṛtāmreḍā netra-stanaja-payasā klinna-sicayā-
> py atṛptā taṃ tṛptaṃ muhur atha sutaṃ prāśayad iyam Bhss_2.451
> 
> bhakṣyaṃ bhojyaṃ bahutara-miṣṭaṃ
> lehyaṃ peyaṃ mṛdu-madhuraṃ te
> bhuktvā pītvā rasabhara-tṛptāḥ
> sarve'bhūvan vana-gamanotkāḥ Bhss_2.452
> 
> sarve suvāsita-mṛdā mukha-pāṇi-padmā-
> ny āmṛjya sādhu mṛduleṣikayā ca dantān
> dāsaiḥ praṇīta-kanakādika-kuṇḍikāsu
> tair datta-vāribhir athācamanaṃ vyadhūs te Bhss_2.453
> 
> elā-lavaṅga-ghanasāra-vimiśritābhir
> jambūla-datta-vara-khādira-golikābhiḥ
> śītojjvalābhir adhivāsya mudā mukhaṃ te
> savyena pūrṇam udaraṃ mamṛjuḥ kareṇa Bhss_2.454
> 
> rasāla-kara-saṃskṛtopahṛta-nāgavallī-sphurat-
> supakva-dala-vīṭikāḥ sukham adanta evotsukāḥ
> tataḥ śatapadāntarālaya-viśāla-palyaṅkikā-
> kuleṣv atha viśaśramuḥ parijanair amī vījitāḥ Bhss_2.455
> 
> tam iha viśramitaṃ paricārakāḥ
> śikhi-dala-vyajanaiḥ samavījayan
> avadalayya dalaṃ mṛdu-vīṭikāḥ
> prabhum athādayati sma vilāsakaḥ Bhss_2.456
> 
> niṣkramya dhautāṅghri-karāṃ mahānasād
> dāsī-gaṇais tāṃ vyajanair upāsitām
> rādhāṃ prakoṣṭhāntara-gāṃ sakhī-janair
> vilokayantīṃ ramaṇaṃ gavākṣataḥ
> ānandaja-sveda-jalair vrajeśayā
> pratīyamānāṃ śrama-karṣitety alam
> bhoktuṃ prayatnād upaveśya sā mudā
> balāmbayānnāni gṛhād adāpayat Bhss_2.457-458
> 
> tayā nidiṣṭā ghṛta-saṃskṛtānnaṃ
> dātuṃ dhaniṣṭhā hari-bhukta-śeṣaiḥ
> saṃmiśrya gūḍhaṃ ghṛta-saṃskṛtānnair
> gṛhāt tadānīya dadāv amūbhyaḥ Bhss_2.459
> 
> anaśnantīṃ hriyā vīkṣya
> vastrāvṛta-natānanām
> rādhikām avadat kṛṣṇa-
> mātā vātsalya-viklavā
> janani! mayi jananyāṃ kiṃ nu lajjedṛśīyaṃ
> suta iva mama cetaḥ snihyati tvayy atīva
> ayi tad apanayaināṃ yāmi nirmañcanaṃ te
> śiśiraya mama netraṃ bhuṅkṣva paśyāmi sākṣāt Bhss_2.460-461
> 
> yūyaṃ ca me stha tanayās tv anayā hriyā kiṃ
> putryaḥ kurudhvam aśanaṃ lalitādayas tat
> ity āgrahāc chapatha-dāna-śataiś ca mātā
> miṣṭānna-miṣṭa-vacanaiḥ samabhojayat tāḥ Bhss_2.462
> 
> tato dāsī-dhautaiḥ kara-kamala-yugmair nija-nijair
> imāḥ prakṣālyāsyaṃ śaśi-sahita-vārbhir nija-nijam
> pa air mārjitvā ca svaparijana-dattā himakarā
> viyuktā vī īs tā vara-kanaka-gauryo bubhujire Bhss_2.463
> 
> hṛdy udgataiḥ suta-kara-grahaṇābhilāṣais
> tad bhūṣaṇaiḥ subahuśaḥ saha yāni yatnāt
> niṣpādya tan navavadhū-pratirūpakāṇi
> snehād dhṛtāni sadane vara-sampu eṣu Bhss_2.464
> 
> tair bhūṣaṇair atha dhaniṣṭhikayopanītais
> tāmbūla-candana-navāmbara-nāgajaiś ca
> ālī-vṛtāṃ nava-vadhūm iva tāṃ vrajeśā
> sammānya hārda-valitā muditā babhūva Bhss_2.465
> 
> rādhā-hṛtaṃ yan niśi tad viśākhā
> dhaniṣṭhayādāt subalāya gūḍham
> pītottarīyaṃ subalo 'pi tasyai
> nīlāmbaraṃ kṛṣṇa-hṛtaṃ tayaiva Bhss_2.466
> 
> iti śrī-bhāvanā-sāra-saṅgrahe prātar-līlā-saṅgraho nāma dvitīya-saṅgrahaḥ
>
> — *Kṛṣṇadāsa: Bhāvanāsārasaṃgraha 1-2 (Academic edition — see source file header)*